లేబర్ కోడ్స్ రద్దు చేసే వరకు పోరాటం
ABN, First Publish Date - 2022-08-09T07:12:24+05:30
కార్మికులకు నష్టం చేసే విధంగా ఉన్న లేబర్ కోడ్స్ను వెంటనే రద్దు చేయాలని సీఐటీయూ జిల్లా ప్రధాన కార్యదర్శి ఆర్కేఎస్వీ కుమార్ డిమాండ్ చేశారు.
సీఐటీయూ జిల్లా ప్రధాన కార్యదర్శి ఆర్కేఎస్వీ కుమార్
మహారాణిపేట, ఆగస్టు 8: కార్మికులకు నష్టం చేసే విధంగా ఉన్న లేబర్ కోడ్స్ను వెంటనే రద్దు చేయాలని సీఐటీయూ జిల్లా ప్రధాన కార్యదర్శి ఆర్కేఎస్వీ కుమార్ డిమాండ్ చేశారు. సోమవారం సీఐటీయూ కార్యలయం వద్ద నిరసన కార్యక్రమం నిర్వహించారు. ఈ సందర్భంగా ఆయన మాట్లాడుతూ మోదీ ప్రభుత్వం 29 కార్మిక చట్టాలను యాజమాన్యాలకు అనుకూలంగా, కార్మికులకు నష్టం చేసే విదంగా నాలుగు లేబర్ కోడ్స్ను తీసుకువచ్చిందని వివరించారు. దీనివల్ల కార్మికులకు సంఘం ఏర్పాటు చేసుకొనే హక్కు, సమ్మే చేసే హక్కులకు భంగం వాటిల్లుతుందని తెలిపారు. సైన్యంలో ఇప్పడు చేపడుతున్న అగ్నిపథ్ విధానం కూడా ఇందులో భాగమేనని వివరించారు. కార్మికులు పోరాడి సాధించుకున్న హక్కులను రద్దు చేసే హక్కు ఏ ప్రభుత్వానికీ లేదన్నారు. ఈ కార్యక్రమంలో పలువురు సీఐటీయూ నాయకులు పాల్గొన్నారు.
Updated Date - 2022-08-09T07:12:24+05:30 IST