‘స్కానింగ్‌ రిపోర్ట్‌లను విధిగా సమర్పించాలి’
ABN, First Publish Date - 2022-01-28T05:38:09+05:30
ల్లాలోని స్కానింగ్‌ కేంద్రాల్లో నిర్వహించే స్కానింగ్‌ రిపోర్ట్‌లను ప్రతి నెలా జిల్లా వైద్య, ఆరోగ్యశాఖ అధికారికి సమర్పించేలా చర్యలు తీసుకోవాలని వైద్య, ఆరోగ్యశాఖ అధికారులను జాయింట్‌ కలెక్టర్‌ అరుణ్‌బాబు ఆదేశించారు.
విశాఖపట్నం, జనవరి 27 (ఆంధ్రజ్యోతి) : జిల్లాలోని స్కానింగ్‌ కేంద్రాల్లో నిర్వహించే స్కానింగ్‌ రిపోర్ట్‌లను ప్రతి నెలా జిల్లా వైద్య, ఆరోగ్యశాఖ అధికారికి సమర్పించేలా చర్యలు తీసుకోవాలని వైద్య, ఆరోగ్యశాఖ అధికారులను జాయింట్‌ కలెక్టర్‌ అరుణ్‌బాబు ఆదేశించారు. కలెక్టరేట్‌ సమావేశ మందిరంలో వైద్య, ఆరోగ్యశాఖ అధికారులతో గర్భస్థ పూర్వ, గర్భస్థ లింగ నిర్ధారణ నియంత్రణ చట్టం(లింగ నిర్ధారణ నిషేధం) ప్రకారం స్కానింగ్‌ కేంద్రాలకు అనుమతులు మంజూరు చేయడానికి వైద్య, ఆరోగ్యశాఖ జిల్లా స్థాయి అప్ర్పాప్రియేట్‌ అథారిటీ, అడ్వైజరీ కమిటీ సంయుక్త సమావేశాన్ని నిర్వహించారు. ఈ సమావేశంలో అధికారులకు జాయింట్‌ కలెక్టర్‌ పలు సూచనలు చేశారు. ఈ సందర్భంగా దరఖాస్తు చేసుకున్న 19 కేంద్రాలకు అనుమతులు మంజూరు చేశారు. ఈ సమావేశానికి జిల్లా ప్రొగ్రాం అధికారులు, అప్ర్పాప్రియేట్‌ అథారిటీ, అడ్వైజరీ కమిటీ సభ్యులు, డెమో విభాగ సిబ్బంది పాల్గొన్నారు.
Updated Date - 2022-01-28T05:38:09+05:30 IST