మిన్నంటిన సంక్రాంతి వేడుకలు
ABN, First Publish Date - 2022-01-17T06:45:09+05:30
సంక్రాంతి, కనుమ పండగలను నియోజకవర్గ ప్రజలు అత్యంత ఆనందోత్సాహాల నడు మ జరుపుకున్నారు. శని, ఆదివారాల్లో జరిగిన ఈ వేడుకలు అంతటా మిన్నంటాయి.
ఇంటింటా కోలాహల వాతావరణం
నూతన వస్త్రాలు ధరించి పరస్పరం శుభాకాంక్షలు
పలు గ్రామాల్లో పోటీలు నిర్వహించి.. విజేతలకు బహుమతుల ప్రదానం
ఎలమంచిలి/అచ్యుతాపురం/మునగపాక/రాంబిల్లి, జనవరి 16: సంక్రాంతి, కనుమ పండగలను నియోజకవర్గ ప్రజలు అత్యంత ఆనందోత్సాహాల నడు మ జరుపుకున్నారు. శని, ఆదివారాల్లో జరిగిన ఈ వేడుకలు అంతటా మిన్నంటాయి. ఎలమంచిలి, అచ్యు తాపురం, మునగపాక, రాంబిల్లి మండలాల్లో ఏ ఇల్లు చూసినా సందడిగా కనిపించింది. కూతుళ్లు, అల్లుళ్లు, కొడుకులు, కోడళ్లు, మనుమలు, మనుమరాండ్రు ఇలా.. బంధుగణమంతా ఓ చోట చేరి పెద్ద పండగను చేసుకున్నారు. సంక్రాంతి రోజు అంతా వేకువనే లేచి తలంటు పోసుకుని, పెద్దలకు నూతన వస్త్రాలను చూపి, పిండి వంటలతో భోజనాలను ఆరగించిన అనంతరం సదరు దుస్తులను ధరించి ఒకరికి ఒకరు శుభాకాంక్షలు తెలుపుకున్నారు. ఈ వేడుకల్లో పిల్లల హడావుడికి హద్దుల లేకపోయింది. ఇదిలావుంటే, పల్లెల్లో పండగ సంబరాలు అంబారాన్నం టాయి. ముగ్గులు, గుర్రపు పరుగు పందేలు, ఎడ్లబండ్ల పరుగు, క్రికెట్‌ వంటి పోటీలను నిర్వహించి విజేతలకు సర్పంచ్‌లు, ఎంపీటీసీ సభ్యులు, గ్రామ పెద్దలు, నిర్వాహకులు బహుమతులు అందజేశారు. ఇక కనుమ రోజైన ఆదివారం రైతులు తమ పాడి పశువులకు పూజలు జరిపారు. మాంసాహారుల ఇళ్లతో రెట్టించిన ఉత్సాహం కనిపించింది. మందుబాబులు కేరింతలు కొట్టారు.
Updated Date - 2022-01-17T06:45:09+05:30 IST