సీసీ కెమెరాలతో అసాంఘిక పనులకు అడ్డుకట్ట
ABN, First Publish Date - 2022-08-09T06:55:40+05:30
గ్రామాల్లో సీసీ కెమెరాలు ఏర్పాటుచేయడం వలన అసాంఘిక కార్యక్రమాలు నివారించవచ్చునని అనకాపల్లి డీఎస్పీ బి.సునీల్‌ అన్నారు.
అనకాపల్లి డీఎస్పీ సునీల్‌
చీడికాడ, ఆగస్టు 8: గ్రామాల్లో సీసీ కెమెరాలు ఏర్పాటుచేయడం వలన అసాంఘిక కార్యక్రమాలు నివారించవచ్చునని అనకాపల్లి డీఎస్పీ బి.సునీల్‌ అన్నారు. సోమవారం సాయంత్రం ఆయన స్థానిక పోలీస్‌ స్టేషన్‌ను ఆకస్మికంగా తనిఖీ చేశారు. ఈ సందర్భంగా రికార్డులు పరిశీలించారు. అనంతరం పోలీస్‌స్టేషన్‌కు వివిధ పనులపై వచ్చిన వారితో మాట్లాడారు. సీసీ కెమెరాలు ఏర్పాటుచేయడం వలన దొంగతనాలు, గంజాయి వ్యాపారం, కలప రవాణా వంటి చట్ట వ్యతిరేక కార్యకలాపాలను నివారించ డానికి అవకాశం ఉంటుందన్నారు. మండలంలో అన్ని పంచాయతీల్లో సదస్సులు ఏర్పాటు చేసిన ప్రజలను చైతన్యపరచాలని స్థానిక ఎస్‌ఐ సుధాకర్‌ను ఆదేశించారు. ఈ కార్యక్రమంలో చోడవరం రూరల్‌ సీఐ బి.తాతారావు, టీడీపీ నాయకుడు జాజిమొగ్గల గణేష్‌, పోలీసులు పాల్గొన్నారు.
Updated Date - 2022-08-09T06:55:40+05:30 IST