ఏపీ డేరా బాబా కొడాలి నాని: budda venkanna
ABN, First Publish Date - 2022-04-22T17:45:32+05:30
వైసీపీ నేత కొడాలి నానిపై టీడీపీ నేత బుద్దా వెంకన్న తీవ్రస్థాయిలో విరుచుకుపడ్డారు. ఏపీ డేరా బాబా కొడాలి నాని అని వ్యాఖ్యానించారు.
అమరావతి: వైసీపీ నేత కొడాలి నానిపై టీడీపీ నేత బుద్దా వెంకన్న తీవ్రస్థాయిలో విరుచుకుపడ్డారు. ఏపీ డేరా బాబా కొడాలి నాని అని వ్యాఖ్యానించారు. డేరా బాబాకు కొడాలి నానికి ఒకే పోలికలు ఉన్నాయని... డేరా బాబాపై ఎన్ని కేసులు ఉన్నాయో కొడాలి నానిపై అంత కన్నా ఎక్కువ కేసులు ఉన్నాయని తెలిపారు. కొడాలి నాని గుడివాడలో పోలీసు వ్యవస్థను నిర్వీర్యం చేశారని మండిపడ్డారు. గుడివాడలో పోలీసులకు కొడాలి నాని నెల నెలా మామూళ్లు ఇస్తున్నారని ఆయన ఆరోపించారు. జగన్ పాలనలో అధికారులకు రక్షణ లేకుండా పోయిందన్నారు. మట్టి మాఫియా దగ్గర ఉన్న పోలీసు అధికారులను తక్షణమే సస్పెండ్ చేయాలని డిమాండ్ చేశారు. మట్టి మాఫియాలో నాని వందల కోట్లు సంపాదిస్తున్నారని తెలిపారు. సీఎం జగన్ ఎందుకు నానిపై చర్యలు తీసుకోవడం లేదని మండిపడ్డారు. గుడివాడ అక్రమాల పై సీఎం జగన్ ఒక కమిషన్ ఏర్పాటు చేయాలన్నారు. మట్టి మాఫియా కేసులో వెంటనే కొడాలి నానిని అరెస్ట్ చేయాలని బుద్దా వెంకన్న డిమాండ్ చేశారు.
Updated Date - 2022-04-22T17:45:32+05:30 IST