డీకే భూములను ఆన్లైన్ చేయండి
ABN, First Publish Date - 2022-09-20T02:35:31+05:30
భూమి కొనుగోలు పథకం కింద 2006లో ఎస్సీ మహిళలకు పంపిణీ చేసిన డీకే పట్టా భూములను ఆన్లైన్ చేయాలని బొద్దికూరపాడు పంచాయతీ చింతలపాలెం ఎస్సీ మహిళలు స్పందన కార్యక్రమంలో సోమవారం తహసీల్దార్ రామ్మోహన్రావుకు వినతిపత్రం అందజేశారు.
తాళ్లూరు, సెప్టెంబర్ 19: భూమి కొనుగోలు పథకం కింద 2006లో ఎస్సీ మహిళలకు పంపిణీ చేసిన డీకే పట్టా భూములను ఆన్లైన్ చేయాలని బొద్దికూరపాడు పంచాయతీ చింతలపాలెం ఎస్సీ మహిళలు స్పందన కార్యక్రమంలో సోమవారం తహసీల్దార్ రామ్మోహన్రావుకు వినతిపత్రం అందజేశారు. 2006లో గ్రామానికి చెందిన 8 మంది మహిళలకు భూమి కొనుగోలు పథకం కింద సర్వే నంబర్ 115/2లో ఒకొక్కరికీ ఎకరా వంతున 8 ఎకరాలను పంపిణీ చేశారు. దాంతో అక్కడ సాగు చేసి జీవనం సాగిస్తున్నామన్నారు. ఆ భూములను ఆన్లైన్ చేయాలని అనేక మార్లు వీఆర్వోలకు విన్నవించినా చేయటం లేదన్నారు. సోమరప్పాడు గ్రామ పరిధిలోని భూములకు సర్వే నిర్వహించాలని ఇద్దరు అర్జీలు అందజేశారు.
Updated Date - 2022-09-20T02:35:31+05:30 IST