భక్తిశ్రద్ధలతో మొహర్రం వేడుకలు
ABN, First Publish Date - 2022-08-12T06:13:52+05:30
మండలంలోని తిమ్మాపురం గ్రామంలో మొహర్రం ముగింపు వేడుకలను గురువారం ఘనంగా నిర్వహించారు.
పెద్ద దోర్నాల, ఆగస్టు 11: మండలంలోని తిమ్మాపురం గ్రామంలో మొహర్రం ముగింపు వేడుకలను గురువారం ఘనంగా నిర్వహించారు. పదిరోజుల పాటు ఉత్సవాలు నిర్వహించారు. మొదటి ఆరు రోజులు విడిషరిగెత్తులు, ఏడవ రోజు చినషరిగెత్తు, రెండు రోజులు సంధిగానూ తొమ్మిదవ రోజు పెద్దషరిగెత్తు బుధవారం రాత్రి ఇంటికి ఒకరు చొప్పున ఉపవాసం ఉండి పీర్లలకు నైవేథ్యాలు సమర్పించారు. అనంతరం నిప్పులగుండంలో భక్తులు నడిచి తమ మొక్కులు తీర్చుకున్నారు. గురువారం తెల్లవారుజామునుంచే పీర్లను గ్రామోత్సవం నిర్వహించారు. సాయంత్రం నీటిలో శుభ్రం చేయడం ద్వారా వేడుకలు పూర్తయ్యాయి. ఈ వేడుకల్లో గ్రామస్థులతో పాటు పరిసర గ్రామాల నుండి భక్తులు అధిక సంఖ్యల్లో పాల్గొన్నారు.
రాచర్ల : మండలంలోని పాలకవీడు పంచాయతీ పరిధిలోని అనుమలవీడు గ్రామంలో మొహర్రం పండుగ సందర్భంగా జారత్‌ నిర్వహించారు. గురువారం సాయంత్రం పిడతల ప్రవీణ్‌కుమార్‌రెడ్డి, షేక్‌ పల్నాటి మహబూబ్‌పీరా, పిడతల శ్రీనివాసరెడ్డి పీర్లచావిడి వద్ద తమ మొక్కులు తీర్చుకున్నారు. అనంతరం ప్రవీణ్‌కుమార్‌రెడ్డి అన్నదాన కార్యక్రమాన్ని ప్రారంభించారు. అర్ధరాత్రి జరిగే పీర్ల ఉత్సవంలో భక్తులు భారీగా పాల్గొన్నారు.
Updated Date - 2022-08-12T06:13:52+05:30 IST