మరోసారి ‘కండలేరు’కు కృష్ణాజలాలు
ABN, First Publish Date - 2022-09-24T05:18:34+05:30
కండలేరు జలాశయంలో నీటిమట్టం అంతకంతకూ పెరుగుతోంది.
రాపూరు, సెప్టెంబరు 23: కండలేరు జలాశయంలో నీటిమట్టం అంతకంతకూ పెరుగుతోంది. డ్యాంలో శుక్రవారం 51.023 టీఎంసీల నీటిమట్టం నమోదైంది. సోమశిల నుంచి కండలేరు వరద కాలువ ద్వారా 5820 క్యూసెక్కులు విడుదల చేస్తున్నారు. డ్యాం నుంచి ఇన్‌ఫ్లో 1510 క్యూసెక్కులుగా ఉంది. ఇటీవల పర్యటించిన తెలుగుగంగ ఉన్నతాధికారులు డ్యాంలో నిలకడగా 50టీఎంసీల నీటిమట్టాన్ని నిల్వ చేస్తున్నట్లు ప్రకటించారు.
సోమశిలలో 66.004 టీఎంసీల నిల్వ
అనంతసాగరం : సోమశిల జలాశయానికి ఎగువ నుంచి శుక్రవారం 8,565 క్యూసెక్కుల ఇన్‌ఫ్లో వస్తున్నట్లు అదికారులు తెలిపారు. దీంతో జలాశయంలో 66.004 టీఎంసీల నీరు నిల్వ ఉంది. పెన్నాడెల్టాకు 2,500, కండలేరుకు 5,900 క్యూసెక్కులు సరఫరా చేస్తున్నట్లు వివరించారు.
Updated Date - 2022-09-24T05:18:34+05:30 IST