అనంతసాగరం పోస్టాఫీసుకు తాళం
ABN, First Publish Date - 2022-05-18T03:33:45+05:30
అనంతసాగరం పోస్టాఫీసుకు మంగళవారం తాళం పడింది. ఈ కార్యాలయాన్ని బీసీ కాలనీలోని అద్దె గృహంలో నిర్వహిస్తున్నారు
అనంతసాగరం, మే 17: అనంతసాగరం పోస్టాఫీసుకు మంగళవారం తాళం పడింది. ఈ కార్యాలయాన్ని బీసీ కాలనీలోని అద్దె గృహంలో నిర్వహిస్తున్నారు. అగ్రిమెంట్‌ కాలపరిమితి పూర్తైనా ఖాళీ చేయలేదని భవన యజమాని రాకేష్‌ తాళం వేసి నిరసన తెలిపాడు. ఈ సందర్భంగా ఆయన మాట్లాడుతూ తమ భవనాన్ని 2015లో ఐదేళ్ల కాలపరిమితితో పోస్టాఫీసుకు అద్దెకు ఇచ్చామని, 2020కి కాలపరిమితి పూర్తైనా కార్యాలయం ఖాళీ చేయలేదని వాపోయాడు. ఈ విషయమై జిల్లా, రాష్ట్ర అధికారులకు ఫిర్యాదు చేసినా స్పందన లేదన్నారు. తిరిగి అగ్రిమెంటు చేసుకోకుండా, భవనం ఖాళీ చేయకపోవడం ఎంతవరకు సమంజసమన్నారు. వెంటనే సమస్యను పరిష్కరించాలని ఆయన డిమాండ్‌ చేశాడు.
Updated Date - 2022-05-18T03:33:45+05:30 IST