Munugode by-election: అందుకే మునుగోడులో పోటీ చేయడం లేదు: పవన్
ABN, First Publish Date - 2022-08-21T22:41:48+05:30
విధ్వంస రాజకీయాలు నాకిష్టం లేదు. అందుకే మునుగోడు (Munugode)లో పోటీ చేయడం లేదు. రాష్ట్ర విభజన సమయంలో అనేకమందికి భయం పట్టుకుంది.
తిరుపతి: ‘‘విధ్వంస రాజకీయాలు నాకిష్టం లేదు. అందుకే మునుగోడు (Munugode)లో పోటీ చేయడం లేదు. రాష్ట్ర విభజన సమయంలో అనేకమందికి భయం పట్టుకుంది. హైదరాబాద్‌ (Hyderabad)లో ఆస్తులు పోతాయని ఎంపీలు మాట్లడలేదు. నేను ఎవ్వరికీ భయపడేది లేదు. నా ఆస్తులు లాక్కొన్నా పర్వాలేదు.. నిలబడతా’’ అని జనసేన అధినేత పవన్‌కల్యాణ్ (Pawan Kalyan) స్పష్టం చేశారు. తిరుపతిలో నిర్వహించిన జనవాణి కార్యక్రమంలో పవన్ మాట్లాడుతూ ‘‘గత ఎన్నికల్లో టీడీపీకి మద్దతుపై నా కారణాలు నాకు ఉన్నాయి. నేను కులాల మధ్య చిచ్చు పెట్టేందుకు రాలేదు. దేశంలో, రాష్ట్రంలో మూడో ప్రత్యామ్నాయం అవసరం. ప్రజారాజ్యం (Praja Rajyam Party) ఉంటే రాష్ట్రంలో మూడో ప్రత్యామ్నాయం అయ్యేది. టీడీపీ (TDP)కి, వైసీపీ (YCP)కి కొమ్ముకాయడానికి సిద్ధంగా లేను. రాజకీయంగా గౌరవిస్తాం.. విధానాలపై పోరాడతాం. సీమలో ఫ్యాక్షన్‌ ఎక్కువంటారు.. నాకు కనిపించలేదు. రాయలసీమలోని కులాల మధ్య అసమానతలున్నాయి. సీమలోని అనేక ఉపకులాలకు గుర్తింపు కూడా లేదు. వెనుకబడిన వర్గాలకు కూడా రాజకీయ అధికారం రావాలి’’ అని జనసేన అధినేత వక్ఫ్‌ బోర్డు భూములు కబ్జాకు గురవుతున్నాయి. వైసీపీ పాలనలో పంచాయతీలకు కూడా నిధులు లేవు’’ అని పవన్‌కల్యాణ్ ఆరోపించారు.
Updated Date - 2022-08-21T22:41:48+05:30 IST