పుంజుకున్న టమోటా
ABN, First Publish Date - 2022-09-26T04:53:55+05:30
కలకడ టమోటా మార్కెట్‌లో పది రోజులుగా ఊగిసలాడుతున్న టమోటా ధర ఆదివారం కాస్తా పుంజుకుంది.
15 కిలోలు రూ.470
కలకడ, సెప్టెంబరు 25: కలకడ టమోటా మార్కెట్‌లో పది రోజులుగా ఊగిసలాడుతున్న టమోటా ధర ఆదివారం కాస్తా పుంజుకుంది. పది రోజుల క్రితం రూ.600 ఉన్న 15 కిలోల క్రేట్‌ ధర రోజు రోజుకు పతనమై రూ.200-300లకు చేరుకొంది. స్థానికంగా పంట ఉత్పత్తి పెరగడంతో పాటు సమీప మండలాల నుంచి మార్కెట్‌కు టమోటాలు వెల్లువెత్తాయి. అంతేకాక గత 15 రోజులుగా ఎండలు పెరిగి తోటలోని కాయలు తొందరగా వర్ణానికి వచ్చి ఉత్పత్తి ఎక్కువైంది. ఈ దశలో రైతులు ఆందోళన చెందారు. అయితే ఆదివారం మార్కెట్‌లో 15 కిలోల క్రేట్‌ ధర రూ.470 పలికింది. ఈ వంతున రైతుకు కిలోకు రూ.30 గిట్టుబాటు అవుతుంది. ఈ సీజన్‌లో మార్కెట్‌లో రోజుకు 15 వేల క్రేట్‌లు వచ్చి చేరతాయి. ఈ సరుకును వ్యాపారులు కోల్‌కతా, ఢిల్లీ, రాజస్థాన్‌, చెన్నై, కర్ణాటక రాష్ట్రాలతో పాటు ఏపీ, తెలంగాణలోని వివిధ ప్రాంతాలకు సరఫరా చేస్తున్నారు.
Updated Date - 2022-09-26T04:53:55+05:30 IST