AP News: ఆర్టీసీ పన్నులు చెల్లించలేదని కడపలో బస్సులు నిలిపివేత
ABN, First Publish Date - 2022-09-22T14:20:16+05:30
జిల్లాలోని పాత బస్టాండ్‌లోకి బస్సులు రాకుండా నగరపాలక సంస్థ అడ్డుకుంది.
కడప: జిల్లాలోని పాత బస్టాండ్‌లోకి బస్సులు రాకుండా నగరపాలక సంస్థ అడ్డుకుంది. ఆర్టీసీ పన్నులు చెల్లించలేదని బస్సులను కార్పొరేషన్ సిబ్బంది అడ్డగించింది. దీంతో బస్సులు రోడ్డుపై నిలిచిపోవడంతో ప్రయాణికులు తీవ్ర ఇబ్బందులు పడుతున్నారు. ఏళ్ల తరబడి ఆర్టీసీ పన్ను చెల్లించలేదని ఈ సందర్భంగా కార్పొరేషన్ కమిషనర్‌ ప్రవీణ్‌చంద్‌ తెలిపారు. ఆర్టీసీ నుంచి రూ.2 కోట్ల మేర బకాయిలు ఉన్నాయన్నారు. నోటీసులిచ్చి.. వారి చుట్టూ తిరుగుతున్నా ఆర్టీసీ పట్టించుకోవడం లేదని తెలిపారు. విధిలేని పరిస్థితుల్లో పాతబస్టాండ్‌‌ను మూసివేశామని కమిషనర్‌ ప్రవీణ్‌చంద్‌ చెప్పుకొచ్చారు. మరోవైపు కార్పొరేషన్ అధికారుల తీరుకు నిరసనగా పాతబస్టాండ్‌ దగ్గర టీడీపీ, సీపీఎం నేతలు నేతలు ధర్నాకు దిగారు.
Updated Date - 2022-09-22T14:20:16+05:30 IST