కడపలో బ్రిటిష్‌ కాలం నాటి రిజర్వాయర్‌
ABN, First Publish Date - 2022-01-24T08:47:58+05:30
కడప జిల్లా చింతకొమ్మదిన్నె మండలం బుగ్గవంక సమీపంలో బ్రిటిష్‌ కాలం నాటి రిజర్వాయర్‌ బయటపడింది.
కడప జిల్లా చింతకొమ్మదిన్నె మండలం బుగ్గవంక సమీపంలో బ్రిటిష్‌ కాలం నాటి రిజర్వాయర్‌ బయటపడింది. కడప నగరానికి 5 కి.మీ దూరంలో బుగ్గ అగ్రహారం దీన్ని గుర్తించారు. పొలాల మధ్యలో ఉన్న దీనిపైనరెండడుగుల వెడల్పుతో 8 రంధ్రాలున్నాయి. లోపలకు దిగి చూడగా.. సుమారు 20 మీటర్ల పొడవు, 16 మీటర్ల వెడల్పుతో నాలుగు భాగాలుగా ఉంది. 1890లో బ్రిటిష్‌ వాళ్లు కడప నగరానికి మంచినీటి అవసరాల కోసం బుగ్గమల్లేశ్వరస్వామి ఆలయం సమీపంలో నీటి సంప్‌ను తలపించేలా ఈ రిజర్వాయర్‌ను నిర్మించినట్టు ఇక్కడ శిలాఫలకం సైతం ఉంది. అయితే బుగ్గవంక డ్యాం ఏర్పాటు చేశాక దీని అవసరం లేకుండా పోయింది. కాగా.. దీన్ని బ్రిటిషర్లు కారాగారాలుగా వాగేవారంటూ సోషల్‌ మీడియాలో ప్రచారం జరుగుతోంది.
Updated Date - 2022-01-24T08:47:58+05:30 IST