సిక్కోలులో భారీ వర్షం
ABN, First Publish Date - 2022-03-22T01:59:45+05:30
బంగాళాఖాతంలో అల్పపీడన ప్రభావంతో సిక్కోలు జిల్లాలో భారీవర్షం కురిసింది. రాజాం, పాతపట్నం, మెళియాపుట్టి, సీతంపేట
శ్రీకాకుళం: బంగాళాఖాతంలో అల్పపీడన ప్రభావంతో సిక్కోలు జిల్లాలో భారీవర్షం కురిసింది. రాజాం, పాతపట్నం, మెళియాపుట్టి, సీతంపేట ప్రాంతాల్లో గాలీవాన బీభత్సం సృష్టించాయి. అత్యధికంగా రాజాంలో 26.25 మి.మీ, పాలకొండలో అత్యల్పంగా 0.5 మి.మీ వర్షపాతం నమోదైంది. జిల్లా అంతటా విద్యుత్‌ సరఫరాలో అంతరాయం నెలకొంది. రాజాంలోని బొబ్బిలి కూడలిలో విద్యుత్‌ స్తంభంతో పాటు భారీ వృక్షం నేలకొరిగింది. దీంతో ఓ ద్విచక్ర వాహనం పాక్షికంగా దెబ్బతింది. పెనుబాక గ్రామ సమీపంలో ప్రధాన రోడ్డుకు ఆనుకుని విద్యుత్‌ స్తంభం నేలకొరిగింది. పాలకొండ-శ్రీకాకుళం-చీపురుపల్లి రోడ్డులో తాత్కాలికంగా ఏర్పాటు చేసిన మెకానిక్‌ రేకుషెడ్‌లు గాలికి ఎగిరిపోయాయి. హోర్డింగ్‌లు నేలకొరిగాయి. మెళియాపుట్టి మండలం వసుంధరలో కొబ్బరిచెట్టుపై పిడుగు పడింది. వసుంధర గ్రామానికి చెందిన మోహన్‌ కుంటియా పెరటిలో కొబ్బరిచెట్టుపై పిడుగు పడగా.. ఆ సమయంలో అక్కడ ఎవరూ లేకపోవడం ప్రమాదం తప్పింది.
Updated Date - 2022-03-22T01:59:45+05:30 IST