Cancelled Trains: ఈ నెల 20వ తేదీ వరకు గుంటూరు మీదుగా వెళ్లే ఈ రైళ్లన్నీ రద్దు..
ABN, First Publish Date - 2022-09-15T18:23:21+05:30
ఆపరేషనల్‌ సమస్యల దృష్ట్యా గురువారం నుంచి ఈ నెల 20వ తేదీ వరకు గుంటూరు మీదుగా నడిచే పలు రైళ్లని రద్దు చేస్తున్నట్లు..
నేటి నుంచి 20వ తేదీ వరకు పలు రైళ్ల రద్దు
గుంటూరు (ఆంధ్రజ్యోతి): ఆపరేషనల్‌ సమస్యల దృష్ట్యా గురువారం నుంచి ఈ నెల 20వ తేదీ వరకు గుంటూరు మీదుగా నడిచే పలు రైళ్లని రద్దు చేస్తున్నట్లు డివిజనల్‌ రైల్వే అధికారి తెలిపారు. విజయవాడ - కొండపల్లి మధ్యన మూడో రైలు మార్గం నాన్‌ ఇంటర్‌లాకింగ్‌ పనులు చివరి ద శకు చేరుకోవడంతో కొన్ని గూడ్స్‌ రైళ్లను మోటుమర్రి - విష్ణుపురం మీదగా నడికుడి మార్గంలో మళ్లిస్తున్నారు. దీంతో ఆరు రోజుల పాటు ప్యాసింజర్‌ రైళ్లని రద్దు చేయాలని నిర్ణయించారు. విజయవాడ - గుంటూరు (నెంబరు.07783, 07628, 07464), గుంటూరు - తెనాలి(07887), గుంటూరు - రేపల్లె (077 86), రేపల్లె - తెనాలి(07873), తెనాలి - గుంటూరు(07282), గుంటూరు - విజయవాడ (07864, 07465), తెనాలి - రేపల్లె (07888), రేపల్లె -మార్కాపురం(07889), మార్కాపురం -తెనాలి((07890), తెనాలి - విజయవాడ(07630) ప్యాసింజర్‌ రైళ్లని రద్దు చేసిన ట్లు పేర్కొన్నారు. మాచర్ల - గుంటూరు ప్యాసింజర్‌ని నడికుడి వరకే నడిపినిలిపేస్తామని చెప్పారు. విజయవాడ - మాచర్ల ప్యాసింజర్‌ని నడికుడి నుంచి మాచర్లకు నడుపుతామన్నారు. మాచర్ల - విజయవాడ ప్యాసింజర్‌ని నడికుడి వరకే నడపడం జరుగుతుందన్నారు.
Updated Date - 2022-09-15T18:23:21+05:30 IST