వేసవి క్రీడా శిక్షణ రద్దు చేయాలి
ABN, First Publish Date - 2022-05-25T06:14:35+05:30
వేసవి క్రీడా శిక్షణ రద్దు చేయాలి వేసవి క్రీడా శిక్షణ రద్దు చేయాలి ప్రత్యేక ఆటల కార్యక్రమం రద్దు చేయాల్సిందిగా మంగళవారం పలువురు వ్యాయామ ఉపాధ్యాయులు డీఈవో ఎస్‌.అబ్రహాంను కలిసి వినతిపత్రం అందజేశారు.
డీఈవోకు వ్యాయామోపాధ్యాయుల వినతి
రాజమహేంద్రవరం అర్బన్‌, మే 24 : ప్రత్యేక ఆటల కార్యక్రమం రద్దు చేయాల్సిందిగా మంగళవారం పలువురు వ్యాయామ ఉపాధ్యాయులు డీఈవో ఎస్‌.అబ్రహాంను కలిసి వినతిపత్రం అందజేశారు. ప్రధానంగా మే 15 నుంచి జూన్‌ 28వ తేదీ వరకూ పాఠశాల కమిషనర్‌ ఉపాధ్యాయులకు వేసవి సెలవులు ప్రకటించారని, కానీ తమకు ఎలాంటి సెలవులు లేకుండా కార్యక్రమం కొనసాగించడం సరికాదని తెలిపారు. గేమ్స్‌ పీరియడ్‌ లేకపోయినా రెండేళ్లపాటు పాఠశాలలోని ఇతర కార్యక్రమాలు నిర్వహించామని,ఉపాధ్యాయులతో పాటు ఉదయం నుంచి సాయంత్రం వరకూ పాఠశాలకు హాజరయ్యామని తెలిపారు. అలాగే, కొవిడ్‌ మొదటి వేవ్‌లో తామంతా రైతుబజార్లు, బ్యాంకులు, బ్రాందీషాపులు, రోడ్లపైనా ట్రాఫిక్‌ కంట్రోల్‌ విధులు కూడా నిర్వహించామన్నారు. ఈ నేపథ్యంలో 21 రోజులపాటు జరగాల్సిన ప్రత్యేక ఆటల కార్యక్రమం రద్దు చేయాల్సిందిగా డీఈవోకు ఇచ్చిన వినతిపత్రంలో వ్యాయామ ఉపాధ్యాయులు పేర్కొన్నారు.
Updated Date - 2022-05-25T06:14:35+05:30 IST