ఎస్వీ యూనివర్సిటీకి 162వ ర్యాంకు
ABN, First Publish Date - 2022-12-07T02:08:52+05:30
వరల్డ్ సైంటిస్ట్‌ అండ్‌ యూనివర్సిటీ ర్యాంకింగ్స్‌-2023లో ఎస్వీయూకు దేశంలో 162వ స్థానం లభించింది.
తిరుపతి (విశ్వవిద్యాలయాలు), డిసెంబరు 6: వరల్డ్ సైంటిస్ట్‌ అండ్‌ యూనివర్సిటీ ర్యాంకింగ్స్‌-2023లో ఎస్వీయూకు దేశంలో 162వ స్థానం లభించింది. ప్రపంచంలోని 19,513 యూనివర్సిటీల్లో 3,032 ర్యాంకును సాధించింది. ఆసియాలోని 10,117 యూనివర్సిటీల్లో 884వ ర్యాంకులో నిలిచింది. మన దేశంలోని 3,616 యూనివర్సిటీల్లో 162వ స్థానాన్ని దక్కించుకుంది. ఎస్వీయూనివర్సిటీ పరిశోధనా ప్రగతిని పరిశీలించి ఈ ర్యాంకులు వచ్చాయి. ఈ సందర్భంగా వీసీ రాజారెడ్డి, రెక్టార్‌ శ్రీకాంత్‌రెడ్డి, రిజిస్ట్రార్‌ హుస్సేన్‌ హర్షం వ్యక్తం చేశారు. విద్యార్థులు, ఉద్యోగుల సమష్టి కృషితోనే ఇంతటి గుర్తింపు సాధ్యమైందన్నారు.
Updated Date - 2022-12-07T02:08:54+05:30 IST