స్వీట్‌ పొటాటో నూడుల్స్‌
ABN, First Publish Date - 2021-03-06T19:18:14+05:30
చిలగడదుంపలను ఉడకబెట్టుకుని తింటాం. ఈ తీపి దుంపతో పలు రకాల నోరూరించే రెసిపీలు తయారుచేసుకోవచ్చు. స్వీట్‌ పొటాటోతో నూడుల్స్‌, సూప్‌, పఫ్స్‌
స్వీట్‌ పొటాటో హాట్‌గా..!
చిలగడదుంపలను ఉడకబెట్టుకుని తింటాం. ఈ తీపి దుంపతో పలు రకాల నోరూరించే రెసిపీలు తయారుచేసుకోవచ్చు. స్వీట్‌ పొటాటోతో నూడుల్స్‌, సూప్‌, పఫ్స్‌, చిలగడదుంప రైస్‌...ఇలా రకరకాల వంటకాలను చేసుకోవచ్చు. ఈ వారం స్వీట్‌ పొటాటోతో టేస్టీ వెరైటీను తనివితీరా ఆస్వాదించండి.
కావలసినవి: చిలగడదుంపలు - అరకేజీ, ఉల్లిపాయలు - రెండు, నిమ్మకాయ - ఒకటి, పల్లి పట్టీలు - ఐదారు, పల్లీలు - కొద్దిగా, కొత్తిమీర - ఒక కట్ట, నూనె - సరిపడా.
తయారీ విధానం: ముందుగా చిలగడదుంపలను శుభ్రంగా కడిగి పొట్టు తీసి, స్పైరలైజర్‌తో నూడుల్స్‌ మాదిరిగా కట్‌ చేసుకోవాలి. స్టవ్‌పై పాన్‌ పెట్టి కొద్దిగా నూనె వేసి వేడి అయ్యాక తరిగి పెట్టుకున్న చిలగడదుంపలు వేసి వేగించాలి. ఐదు నిమిషాల పాటు వేగించి పక్కన పెట్టుకోవాలి. అదే పాన్‌లో మరి కొద్దిగా నూనె వేసి వేడి అయ్యాక పల్లి పట్టీలు వేసి వేగించి తీసుకోవాలి. పల్లి పట్టీలను వేగించి పెట్టుకున్న చిలగడదుంపలపై వేయాలి. పల్లీలు వేసి, నిమ్మరసం పిండి, కొత్తిమీర, ఉల్లిపాయలతో గార్నిస్‌ చేసి సర్వ్‌ చేసుకోవాలి.
Updated Date - 2021-03-06T19:18:14+05:30 IST