భారీ సర్పాలను పట్టిన ట్రాఫిక్ పోలీసుకు సత్కారం
ABN, First Publish Date - 2021-05-05T03:39:17+05:30
అంబర్‌పేటలోని సిపిఎల్ గ్రౌండ్స్‌ వద్ద పోలీస్ కమీషనర్ అంజని కుమార్ ఇంటి సమీపంలో మంగళవారం భారీ ఆకారంలో ఉన్న రెండు పాములను చూసి అక్కడున్న వారందరూ భయంతో పరుగులు తీశారు
హైదరాబాద్ : అంబర్‌పేటలోని సిపిఎల్ గ్రౌండ్స్‌ వద్ద పోలీస్ కమిషనర్ అంజనీ కుమార్ ఇంటి సమీపంలో మంగళవారం భారీ ఆకారంలో ఉన్న రెండు పాములను చూసి అక్కడున్న వారందరూ భయంతో పరుగులు తీశారు. అది చూసిన ఓ ట్రాఫిక్ కానిస్టేబుల్ సాహసం చేసి వాటిని పట్టుకున్నాడు.
ఆ సాహసం చేసింది మలక్‌పేట ట్రాఫిక్ పోలీస్ స్టేషన్‌కు చెందిన వెంకటేష్ నాయక్. విషయం తెలుసుకున్న పోలీస్ కమిషనర్ అంజని కుమార్ కానిస్టేబుల్ వెంకటేష్ నాయక్‌ను పిలిచి, అతను చేసిన సాహసానికి అభినందిస్తూ ఓ మెమెంటో ఇచ్చి సత్కరించారు. పట్టుబడ్డ ఆ పాములు ర్యాట్ స్నేక్ జాతికి చెందినవిగా తెలిసింది. వాటిని హైదరాబాద్ జూ పార్క్ అధికారులకు అప్పగించారు.
Updated Date - 2021-05-05T03:39:17+05:30 IST