అంగన్‌వాడీ సిబ్బందికి కొవిడ్‌ టీకాలు
ABN, First Publish Date - 2021-01-22T05:59:36+05:30
అంగన్‌వాడీ సిబ్బందికి కొవిడ్‌ టీకాలు
దోమ/దౌల్తాబాద్‌/కులకచర్ల: దోమ ప్రాథమిక ఆరోగ్య కేంద్రంలో గురువారం అంగన్‌వాడీ కార్యకర్తలకు కొవిడ్‌ వ్యాక్సినేషన్‌ చేశారు. ఈ సందర్భంగా సీడీపీవో ప్రియదర్శిని, డాక్టర్‌ మునీబ్‌లు మాట్లాడుతూ భయాందోళనకు గురి కాకుండా ప్రతి ఒక్కరూ టీకా వేయించుకోవాలన్నారు. కార్యక్రమంలో అంగన్‌వాడీ సిబ్బంది, వైద్య సిబ్బంది పాల్గొన్నారు. దౌల్తాబాద్‌ మండల కేంద్రంలోని ప్రాథమిక ఆరోగ్య కేంద్రంలో కరోనా వ్యాక్సినేషన్‌ను ఎంపీపీ విజయ్‌కుమార్‌ ప్రారంభించారు. మొదటి టీకాను సూపర్‌వైజర్‌ రఫీకి ఇచ్చారు. కార్యక్రమంలో సర్పంచ్‌ శిరీష, మోహన్‌రెడ్డి పాల్గొన్నారు. కులకచర్ల మండల పరిధిలో 74 మంది అంగన్‌వాడీ టీచర్లకు వ్యాక్సినేషన్‌ చేసినట్లు వైద్యాధికారి మురళీక్రిష్ణ తెలిపారు. కార్యక్రమంలో పరిగి సీడీపీవో ప్రియదర్శిని, సూపర్‌వైజర్‌ పద్మ, ఆరోగ్య సిబ్బంది, అంగన్‌వాడీ కార్యకర్తలు, ఆయాలు పాల్గొన్నారు.
Updated Date - 2021-01-22T05:59:36+05:30 IST