షణ్ముక్ జస్వంత్‌పై బిగుస్తున్న ఉచ్చు
ABN, First Publish Date - 2021-03-06T00:25:05+05:30
యూట్యూబ్ స్టార్ షణ్ముక్ జస్వంత్‌కు పోలీసుల ఉచ్చు బిగుస్తుస్తోంది
హైదరాబాద్: యూట్యూబ్ స్టార్ షణ్ముక్ జస్వంత్‌కు పోలీసుల ఉచ్చు బిగుస్తుస్తోంది. ఇటీవల డ్రంకెన్ డ్రైవ్ కేసులో షణ్ముక్ పట్టుబడ్డాడు. డ్రంకెన్ డ్రైవ్ కేసులో పట్టుబడిన వారికి పోలీసులు ఇచ్చే కౌన్సెలింగ్‌కు షణ్ముక్ హాజరుకాలేదు. దీంతో అతనిపై చర్యలు తీసుకోవడానికి పోలీసులు సిద్ధమయ్యారు.
డ్రంకెన్ డ్రైవ్పై హైదరాబాద్ ట్రాఫిక్ పోలీసులు ఎంతటి కఠినమైన చర్యలు తీసుకుంటున్న విషయం తెలిసిందే. యూట్యూబ్స్టార్ షణ్ముక్ అతివేగంగా కారు నడిపి జూబ్లీహిల్స్‌లో వాహనాలను ఢీకొట్టిన సంగతి తెలిసిందే. ఈ ఘటనలో పలువురికి స్వల్ప గాయాలయ్యాయి. మొత్తం మూడు కార్లు, రెండు ద్విచక్ర వాహనాలను షణ్ముఖ్ కారుతో ఢీ కొట్టాడు. పోలీసులు అక్కడికి చేరుకొని షణ్ముక్‌ను అదుపులోకి తీసుకున్నారు. అతడికి బ్రీత్ అనలైజర్ పరీక్షలు నిర్వహించగా 170 పాయింట్లుగా తేలిందని ట్రాఫిక్ పోలీసులు తెలిపారు. ‘సూర్య’, ‘సాఫ్ట్వేర్ డెవలపర్’ వంటి పలు వెబ్సీరిస్‌ల‌లో షణ్ముఖ్ నటించాడు.
Updated Date - 2021-03-06T00:25:05+05:30 IST