షార్ట్‌సర్క్యూట్‌తో మూడు గుడిసెలు దగ్ధం
ABN, First Publish Date - 2021-06-22T06:06:04+05:30
షార్ట్‌ సర్క్యూట్‌తో మూడు గుడిసెలకు మంటలు అంటుకుని, గ్యాస్‌ సిలిండర్లు పేలడంతో పెద్ద ఎత్తున మంటలు రేగాయి.
సిలిండర్లు పేలి రేగిన మంటలు
ఒకరికి తీవ్ర గాయాలు
శివ్వంపేట, జూన్‌ 21: షార్ట్‌ సర్క్యూట్‌తో మూడు గుడిసెలకు మంటలు అంటుకుని, గ్యాస్‌ సిలిండర్లు పేలడంతో పెద్ద ఎత్తున మంటలు రేగాయి. ఈ ఘటన మండలంలోని పోతులబోగూడ గ్రామంలో ఆదివారం రాత్రి చోటు చేసుకోగా ఓ వ్యక్తికి గాయాలయ్యాయి. గ్రామస్థులు, బాధితుల కథనం ప్రకారం.. పోతులబొగుడలో సత్తయ్య, భిక్షపతి, శ్రీనివాస్‌ అనే వ్యక్తులు తమ కుటుంబాలతో పూరిగుడిసెల్లో ఉంటున్నారు. ఆదివారం రాత్రి అకస్మాత్తుగా గుడిసెలో షార్ట్‌సర్క్యూట్‌తో మంటలు అంటుకున్నాయి. వెంటనే గుడిసెల్లోని వారంతా బయటకు వచ్చి మంటలార్పేందుకు యత్నించినప్పటికీ పక్కనే ఉన్న మరో రెండు గుడిసెలకు ఆ మంటలు వ్యాపించాయి. కాగా ఆ మంటలకు మూడు గుడిసెల్లోని గ్యాస్‌ సిలిండర్లు పేలిపోయాయి. మంటలార్పే యత్నంలో ప్రవీన్‌ అనే వ్యక్తికి గాయాలు కాగా అతడిని వెంటనే ఆసుపత్రికి తరలించారు. సమాచారమందుకున్న ఫైర్‌ స్టేషన్‌ సిబ్బంది వెంటనే చేసుకుని మంటలను ఆర్పివేశారు. కాగా సోమవారం విషయం తెలుసుకున్న ఆర్‌ఐ కిషన్‌ వెళ్లి ఘటనపై విచారణ జరిపారు.
Updated Date - 2021-06-22T06:06:04+05:30 IST