చాకలి ఐలమ్మ పోరాట పటిమ ఆదర్శం
ABN, First Publish Date - 2021-01-25T05:48:32+05:30
రజాకార్లకు, పెత్తందారి వ్యవస్థకు వ్యతిరేకంగా చాకలి ఐలమ్మ సాగించిన పోరాట పటిమను ఆదర్శంగా తీసుకోవాలని ఎమ్మెల్యే మాధవనేని రఘునందన్రావు పిలుపునిచ్చారు.
దుబ్బాక ఎమ్మెల్యే రఘునందన్రావు
మిరుదొడ్డి, జనవరి 24: రజాకార్లకు, పెత్తందారి వ్యవస్థకు వ్యతిరేకంగా చాకలి ఐలమ్మ సాగించిన పోరాట పటిమను ఆదర్శంగా తీసుకోవాలని ఎమ్మెల్యే మాధవనేని రఘునందన్రావు పిలుపునిచ్చారు. రుద్రారం గ్రామంలో ఏర్పాటు చేసిన చాకలి ఐలమ్మ విగ్రహాన్ని ఆదివారం ఆయన ఆవిష్కరించారు. అనంతరం పల్లెప్రకృతి వనాన్ని ప్రారంభించి, మొక్కలను నాటారు. ప్రత్యేక తెలంగాణ ఉద్యమంలో చాకలి ఐలమ్మ చాటిన స్ఫూర్తి గొప్పదన్నారు. కాగా పల్లెల సమగ్ర అభివృద్ధికి కేంద్ర ప్రభుత్వం ప్రత్యేక నిధులను కేటాయిస్తున్నదని చెప్పారు. తనకు ప్రతీ ఒక్కరూ సహకరిస్తేనే నియోజకవర్గాన్ని అన్ని విధాలుగా అభివృద్ధి చేసుకోవడానికి అవకాశం ఉంటుందని తెలిపారు. అనంతరం సర్పంచ్ శాంతమ్మ, గౌడసంఘం సభ్యులు ఎమ్మెల్యేను సన్మానించారు. కార్యక్రమంలో ఎంపీడీవో రాజిరెడ్డి, ఉపసర్పంచు పరశురాములు, ఈసీ సుభాష్, టీఏ వాణి, పంచాయతీ కార్యదర్శి ఉషారాణి, బీజేపీ నాయకులు తదితరులు పాల్గొన్నారు.
Updated Date - 2021-01-25T05:48:32+05:30 IST