నిజాయితీ చాటుకున్న యువకుడు
ABN, First Publish Date - 2021-12-07T05:10:00+05:30
మండల కేంద్రంలో దొరికిన బ్యాగును పోలీసులకు అప్పగించిన ఓ యువకుడు తన నిజాయితీని చాటుకున్నాడు.
అక్కన్నపేట, డిసెంబరు 6: మండల కేంద్రంలో దొరికిన బ్యాగును పోలీసులకు అప్పగించిన ఓ యువకుడు తన నిజాయితీని చాటుకున్నాడు. సోమవారం అక్కన్నపేట మండల కేంద్రానికి చెందిన సోమ సది అనే యువకుడికి రోడ్డుపై ఓ బ్యాగు దొరికింది. ఆ బ్యాగును పోలీ్‌సస్టేషన్‌లో ఎస్‌ఐ కొత్తపల్లి రవికి అప్పగించాడు. ఆధార్‌కార్డులో ఉన్న వివరాల ప్రకారం ఆ బ్యాగ్‌ కరీంనగర్‌ జిల్లా చిగురుమామిడి మండలం కొండాపూర్‌ గ్రామానికి చెందిన పోతరవేని శ్రీనివా్‌సదిగా గుర్తించి అతడికి సమాచారమందించారు. కాగా ఆ బ్యాగులో ఆధార్‌కార్డుతో పాటు రూ.13వేలు నగదు, స్మార్ట్‌ఫోన్‌, 1గ్రామ్‌ బంగారు కమ్మలు, దుస్తులు ఉన్నట్టు తెలిపారు. పోలీ్‌సస్టేషన్‌కు వచ్చి నిజాయితీగా బ్యాగును అందజేసిన సదికి రూ.వెయ్యి పారితోషకంగా అందించి అభినందించారు.
Updated Date - 2021-12-07T05:10:00+05:30 IST