చిక్కినట్టే చిక్కి తప్పించుకుంటున్న పులి
ABN, First Publish Date - 2021-01-17T14:20:21+05:30
ఏ2 పులి కోసం ఆపరేషన్ కొనసాగుతోంది. పులి చిక్కినట్టే చిక్కి తప్పించుకుంటోంది.
కొమురంభీం జిల్లా: ఏ2 పులి కోసం ఆపరేషన్ కొనసాగుతోంది. పులి చిక్కినట్టే చిక్కి తప్పించుకుంటోంది. రాత్రి వేళల్లో పులి దర్జాగా సంచరిస్తోంది. రాత్రి పూట మత్తు మందు ప్రయోగానికి నిబంధనలు అడ్డు వస్తున్నాయి. ఒక వేళ ప్రయోగం చేసినా చీకట్లో బంధించడం ప్రమాదమని నిపుణులు చెబుతున్నారు. గిరిజనుల ప్రాణాలు తీస్తున్న పులిని బంధించేందుకు ఆపరేషన్ కొనసాగుతోంది.
బెజ్జూరు మండలం, కంది భీమన్న అటవీ ప్రాంతంలో పులి సంచరిస్తోంది. దానిని పట్టుకునేందుకు అటవీశాఖ ఉన్నతాధికారులు అదే అటవీ ప్రాంతంలో తిష్ట వేశారు. వారితోపాటు రెస్క్యూ టీమ్, మత్తు మందు నిపుణులు, షూటర్లు ఉన్నారు. పులి రాగానే మంచెపై నుంచి మత్తు మందు ప్రయోగించేలా ఏర్పాట్లు చేశారు. అలాగే 10 బోన్లు, 110 కెమెరాలను ఏర్పాటు చేశారు. విధుల్లో 60 మంది టైగర్ ట్రాకర్స్, మహారాష్ట్ర నిపుణులు ఉన్నారు. ఈ ఆపరేషన్‌ను సీసీఎఫ్ వినోద్ కుమార్ స్వయంగా పర్యవేక్షిస్తున్నారు.
Updated Date - 2021-01-17T14:20:21+05:30 IST