కరీంనగర్‌లో అద్భుతం.. షాకైన జనాలు.. వీడియోలు వైరల్!
ABN, First Publish Date - 2021-10-17T15:24:22+05:30
కరీంనగర్ : జిల్లాలో అద్భుతం ఆవిష్కృతమైంది...
కరీంనగర్ : జిల్లాలో అద్భుతం ఆవిష్కృతమైంది. లోయర్ మానేరు డ్యామ్ నుంచి నీరు ఆకాశంలోకి వెళ్లింది.! ఉత్తర అమెరికాలో వచ్చే టోర్నడోను పోలిన భారీ సుడిగాలి లాగా మానేరు డ్యామ్ నుంచి నీరు ఆకాశం వైపు వెళ్ళింది. ఈ దృశ్యాన్ని చూసిన జనాలు ఒకింత షాకయ్యారు. ఈ విషయం ఆ నోటా.. ఈ నోటా పాకడంతో అద్భుతాన్ని చూడటానికి జనాలు ఎగబడ్డారు. మానేరు జలాశయం పరిసర ప్రాంతాల్లో వరి పంట దగ్గర పనులు చేస్తున్న రైతులు మొదట ఈ దృశ్యాన్ని చూశారు. జనాలు ఈ అద్భుతాన్ని తమ ఫోన్ కెమెరాల్లో బంధించారు. ప్రస్తుతం ఇందుకు సంబంధించిన ఫొటోలు, వీడియోలు సోషల్ మీడియాలో వైరల్ అవుతున్నాయి. 2016 సంవత్సరంలోనూ ఇలాంటి దృశ్యమే కనువిందు చేసింది. ఐదేళ్ల తర్వాత మానేరు డ్యామ్ నుంచి మరోసారి టోర్నడోలాగా నీరు పైకి వెళ్ళింది.
Updated Date - 2021-10-17T15:24:22+05:30 IST