ఆదివారం Tank Bund మీదుగా వెళ్తున్నారా.. కండిషన్స్ అప్లై.. ఈ రూట్‌లో వెళ్లండి!
ABN, First Publish Date - 2021-08-28T16:34:25+05:30
ఆదివారం సాయంత్రం 5 గంటల నుంచి రాత్రి 10 గంటల వరకు ట్రాఫిక్‌ ఆంక్షలు...
హైదరాబాద్‌ సిటీ : అప్పర్‌ ట్యాంక్‌ బండ్‌ను వీకెండ్‌ పిక్నిక్‌ స్పాట్‌గా మార్చనున్న నేపథ్యంలో ఆదివారం సాయంత్రం 5 గంటల నుంచి రాత్రి 10 గంటల వరకు ట్రాఫిక్‌ ఆంక్షలు అమలులో ఉంటాయని సీపీ అంజనీకుమార్‌ తెలిపారు.
- లిబర్టీ నుంచి అప్పర్‌ ట్యాంక్‌ బండ్‌పైకి వాహనాలను అనుమతించరు. వారిని అంబేడ్కర్‌ విగ్రహం నుంచి తెలుగుతల్లి ఫ్లైఓవర్‌, ఇక్బాల్‌ మినార్‌ వైపునకు పంపుతారు.
- తెలుగుతల్లి ఫ్లైఓవర్‌ వైపు నుంచి వచ్చే వాహనాలను ట్యాంక్‌ బండ్‌పైకి అనుమతించరు. వారిని అంబేడ్కర్‌ విగ్రహం నుంచి లిబర్టీ, హిమాయత్‌నగర్‌ వైపునకు పంపుతారు.
- కర్బలా మైదాన్‌ నుంచి వచ్చే వాహనాలను సెయిలింగ్‌ క్లబ్‌ మీదుగా కవాడిగూడ, డీబీఆర్‌ మిల్స్‌, లోయర్‌ ట్యాంక్‌బండ్‌, కట్టమైసమ్మ గుడి, తెలుగుతల్లి ఫ్లైఓవర్‌ వైపునకు పంపుతారు.
- డీబీఆర్‌ మిల్స్‌ నుంచి వచ్చే వాహనాలను గోశాల, కవాడిగూడ, జబ్బార్‌ కాంప్లెక్స్‌, బైబిల్‌ హౌస్‌ల వైపునకు పంపుతారు.
- ఇక్బాల్‌ మినార్‌ నుంచి సికింద్రాబాద్‌ వైపునకు వెళ్లే వాహనాలను పాత సెక్రటేరియట్‌ వద్ద తెలుగుతల్లి ఫ్లైఓవర్‌ పైనుంచి అనుమతిస్తారు.
వాహనాల పార్కింగ్‌...
- ట్యాంక్‌బండ్‌ రోడ్‌పై ఇరువైపులా 200 మీటర్ల దూరం వరకు పార్కింగ్‌.
- అంబేడ్కర్‌ విగ్రహం నుంచి ట్యాంక్‌బండ్‌పై లేపాక్షి వరకు..
- డాక్టర్‌ కార్స్‌ ప్రాంగణంలో
- న్యూ ఎమ్మెల్యే క్వార్టర్స్‌, ఆదర్శనగర్‌. ఏపీ సెక్రటేరియట్‌ వద్ద
- సెయిలింగ్‌ క్లబ్‌ నుంచి చిల్డ్రన్‌ పార్క్‌ వరకు
- బుద్ద భవన్‌ వెనక నుంచి నెక్లెస్‌ రోడ్‌ వరకు
- ఎన్‌టీఆర్‌ గ్రౌండ్స్‌ వద్ద సందర్శకుల వాహనాలకు పార్కింగ్‌ కేటాయించారు.
Updated Date - 2021-08-28T16:34:25+05:30 IST