Customer care numberకు ఫోన్‌చేస్తే.. రూ.1,25,700 మాయం
ABN, First Publish Date - 2021-11-25T14:40:41+05:30
క్రెడిట్‌ కార్డు సమాచారం కోసం కస్టమర్‌ కేర్‌ నెంబర్‌కు ఫోన్‌ చేసిన ఓ వ్యక్తి రూ. 1,25,700 పోగొట్టుకున్నాడు. జీడిమెట్ల పోలీసులు తెలిపిన వివరాల ప్రకారం.. షాపూర్‌నగర్‌లోని
హైదరాబాద్/జీడిమెట్ల: క్రెడిట్‌ కార్డు సమాచారం కోసం కస్టమర్‌ కేర్‌ నెంబర్‌కు ఫోన్‌ చేసిన ఓ వ్యక్తి రూ. 1,25,700 పోగొట్టుకున్నాడు. జీడిమెట్ల పోలీసులు తెలిపిన వివరాల ప్రకారం.. షాపూర్‌నగర్‌లోని సంజయ్‌గాంధీనగర్‌కు చెందిన సయ్యద్‌ మహ్మద్‌బాషా(46) అటెండర్‌. ఈ నెల 19న క్రెడిట్‌ కార్డు సమాచారం కోసం కస్టమర్‌ కేర్‌ నెంబర్‌ కోసం గూగుల్‌లో వెతికి ఓ నెంబర్‌కు ఫోన్‌ చేశాడు. ఫోన్‌ లిఫ్టు చేసిన వ్యక్తి ఓ యాప్‌ను ఇన్‌స్టాల్‌ చేసి కోడ్‌ నెంబర్‌ చెప్పమన్నాడు. కోడ్‌ చెప్పిన కొన్ని నిమిషాల్లోనే బాషా క్రెడిట్‌ కార్డు నుంచి రూ.1,25,700 డ్రా అయ్యాయి. మోసపోయినట్లు గుర్తించిన బాధితుడు జీడిమెట్ల పోలీసులను ఆశ్రయించాడు. పోలీసులు కేసు దర్యాప్తు చేస్తున్నారు.
Updated Date - 2021-11-25T14:40:41+05:30 IST