గర్భిణులకు ఉచిత క్యాబ్‌ సేవలు
ABN, First Publish Date - 2021-05-20T08:51:56+05:30
లాక్‌డౌన్‌ సమ యంలో గర్భిణులను ఆస్పత్రులకు తీసుకెళ్లి, తిరిగి ఇంటికి చేర్చేందుకు ఉచిత క్యాబ్‌ సేవలను అందిస్తున్నామని యాప్‌ ఆధారిత భారతీయ రవాణా సమాఖ్య (ఐఎఫ్‌ఏటీ) ప్రధాన కార్యదర్శి షేక్‌ సలావుద్దీన్‌ తెలిపారు.
హైదరాబాద్‌ సిటీ, మే 19 (ఆంధ్రజ్యోతి): లాక్‌డౌన్‌ సమ యంలో గర్భిణులను ఆస్పత్రులకు తీసుకెళ్లి, తిరిగి ఇంటికి చేర్చేందుకు ఉచిత క్యాబ్‌ సేవలను అందిస్తున్నామని యాప్‌ ఆధారిత భారతీయ రవాణా సమాఖ్య (ఐఎఫ్‌ఏటీ) ప్రధాన కార్యదర్శి షేక్‌ సలావుద్దీన్‌ తెలిపారు. ఇప్పటి వరకు 22 మంది గర్భిణీ మహిళలకు ఈ సేవలు అందించామని ఆయన పేర్కొన్నారు. ఇందు కోసం ప్రత్యేకంగా ఐదు క్యాబ్‌లను సిద్ధంగా ఉంచామని చెప్పారు. కొద్ది రోజుల క్రితం సకాలంలో క్యాబ్‌ సేవలు లభించకపోవడంతో తన భార్య ఎదుర్కొన్న ఇబ్బందులను దృష్టిలో పెట్టుకుని ఈ నిర్ణయం తీసుకున్నామని వెల్లడించారు. నగరంలో ఉన్న గర్భిణీ మహిళలు ఆస్పత్రికి వెళ్లేందుకు 91776 24678 నంబరుకు కాల్‌ చేస్తే వారు చెప్పిన చిరునామాకు సర్వీస్‌ క్యాబ్‌ చేరుకుంటుందని తెలిపారు. యాప్‌ బేస్డ్‌ క్యాబ్‌ సేవలందిస్తున్నందున ప్రయాణం కూడా సురక్షితంగా ఉంటుందని చెప్పారు. ఈ సేవలు అవసరమైన వారు క్యాబ్‌ డ్రైవర్‌కు సంబంధిత ఆస్పత్రి పత్రాలు చూపించాల్సి ఉంటుందని పేర్కొన్నారు. అలాగే ఈ ఏడాది కూడా క్యాబ్‌ డ్రైవర్లలో పాజిటివ్‌ వచ్చి హోం ఐసోలేషన్‌లో ఉన్న వారికి యూనియన్‌ తరపున నిత్యావసర వస్తువులు పంపిణీ చేస్తున్నామన్నారు.
Updated Date - 2021-05-20T08:51:56+05:30 IST