కాలువలో పల్టీ కొట్టిన కారు
ABN, First Publish Date - 2021-08-30T01:11:44+05:30
ఖమ్మం జిల్లా చింతకాని మండల పరిధిలోని జగన్నాధపురం గ్రామ సమీపంలో ఆదివారం ఖమ్మం-బోనకల్‌ రోడ్డుపై కారు అదుపుతప్పి తుమ్మలమ్మ
ఖమ్మం: ఖమ్మం జిల్లా చింతకాని మండల పరిధిలోని జగన్నాధపురం గ్రామ సమీపంలో ఆదివారం ఖమ్మం-బోనకల్‌ రోడ్డుపై కారు అదుపుతప్పి తుమ్మలమ్మ చెరువు మెట్ట కాలువలోకి పల్టీకొట్టింది. ఈ ప్రమాదం నుంచి అందరూ క్షేమంగా బయటపడ్డారు. ఖమ్మం నగరానికి చెందిన శ్రీనివాసరావు తన కుటుంబ సభ్యులతో కలిసి విజయవాడ కనకదుర్గ అమ్మవారి దర్శనానికి వెళ్తుండగా జగన్నాధపురం గ్రామం దాటగానే వారు ప్రయాణిస్తున్న కారు అదుపుతప్పి కాలువలోకి పల్టీ కొట్టింది. ఈ సమయంలో రోడ్డుపై వెళ్తున్న వాహనదారులు అప్రమత్తమై బోల్తాపడిన కారులోని వారిని సురక్షితంగా బయటకు తీశారు. ఘటనలో ఎటువంటి ప్రాణనష్టం జరగకపోవడంతో అందరూ ఊపిరి పీల్చుకున్నారు.
Updated Date - 2021-08-30T01:11:44+05:30 IST