‘బడ్జెట్‌లో బీసీలకు 10 వేల కోట్లు కేటాయించాలి’
ABN, First Publish Date - 2021-03-05T11:59:49+05:30
ప్రస్తుత వార్షిక బడ్జెట్‌లో బీసీలకు 10వేల కోట్లు కేటాయించేలా చర్యలు
హైదరాబాద్/రాంనగర్‌ : ప్రస్తుత వార్షిక బడ్జెట్‌లో బీసీలకు 10వేల కోట్లు కేటాయించేలా చర్యలు తీసుకోవాలని రాష్ట్ర బీసీ సంక్షేమ శాఖ మంత్రి గంగుల కమలాకర్‌కు జాతీయ బీసీ సంక్షేమ సంఘం అధ్యక్షుడు ఆర్‌.కృష్ణయ్య నాయకత్వంలో ఆ సంఘం నేతలు గురువారం వినతిపత్రం ఇచ్చారు. ఆర్‌.కృష్ణయ్య మాట్లాడుతూ ఈ నెల 18న ప్రారంభం కానున్న వార్షిక బడ్జెట్‌ సమావేశాల్లో బీసీలకు గతంలో చేసిన అన్యాయం, మరోసారి చేయకుండా సీఎం కేసీఆర్‌, మంత్రి కేటీఆర్‌లతో మాట్లాడి జనాభాకు అనుగుణంగా బడ్జెట్‌ కేటాయించాలని కోరారు. బీసీ కార్పొరేషన్‌కు సబ్సిడీ రుణాలు ఇచ్చేందుకు 5 వేల కోట్లు, ప్రతి నియోజకవర్గానికి రెండు గురుకుల పాఠశాలల చొప్పున 240 గురుకుల పాఠశాలలు మంజూరు చేయాలని కోరారు. కార్యక్రమంలో బీసీ సంక్షేమ సంఘం నేతలు గుజ్జ కృష్ణ, ఉదయ్‌, చంద్రశేఖర్‌గౌడ్‌, చంటి ముదిరాజ్‌, లక్ష్మణ్‌యాదవ్‌, జశ్వంత్‌ పాల్గొన్నారు.
Updated Date - 2021-03-05T11:59:49+05:30 IST