జడేజా.. తగ్గేదేలే!
ABN, First Publish Date - 2021-12-24T09:19:36+05:30
జడేజా.. తగ్గేదేలే!
న్యూఢిల్లీ: అల్లు అర్జున్‌ హీరోగా నటించిన ‘పుష్ప’ సినిమా టాలీవుడ్‌తో పాటు బాలీవుడ్‌లోనూ అలరిస్తోంది. ఈ సినిమాలో అల్లు చెప్పిన ‘తగ్గేదేలే’ డైలాగ్‌ ఇప్పటికే విపరీతంగా పాపులర్‌ అయ్యింది. చిన్నా.. పెద్దా తేడా లేకుండా ఆ డైలాగ్‌ను వివిధ సందర్భాల్లో వినియోగిస్తూ సరదా పడుతున్నారు. ఇప్పుడు ఏకంగా భారత క్రికెట్‌ జట్టు ఆల్‌రౌండర్‌ రవీంద్ర జడేజాకు కూడా ఈ క్రేజ్‌ తాకింది. అచ్చు బన్నీ తరహాలోనే మాసిన గడ్డం.. చెరిగిన జట్టుతో కనిపించిన జడ్డూ ‘పుష్పా.. పుష్పరాజ్‌.. నీయవ్వ తగ్గేదేలే’ అంటూ చేతిని గడ్డం కింది నుంచి పోనిస్తూ చెప్పిన డైలాగ్‌నుఇన్‌స్టాగ్రామ్‌లో పోస్ట్‌ చేశాడు. ఈ వీడియో తెగ వైరల్‌ అవగా.. అటు స్పిన్నర్‌ కుల్దీప్‌ యాదవ్‌ కూడా స్పందించాడు. ‘తర్వాతి చిత్రం కోసం వేచి చూస్తున్నా’ అంటూ ఏడుస్తున్న ఎమోజీలతో అతడికి సరదాగా జవాబిచ్చాడు.
Updated Date - 2021-12-24T09:19:36+05:30 IST