నడాల్‌ శుభారంభం
ABN, First Publish Date - 2021-06-02T08:42:53+05:30
క్లే కోర్ట్‌ కింగ్‌ రఫెల్‌ నడాల్‌ ఫ్రెంచ్‌ ఓపెన్‌లో శుభారంభం చేశాడు. 14వ టైటిల్‌పై గురిపెట్టిన రఫా.. వరుస సెట్లలో నెగ్గి రెండో రౌండ్‌కు చేరుకొన్నాడు...
- సెరెనా, బార్టీ ముందుకు ఫ్రెంచ్‌ ఓపెన్
పారిస్‌: క్లే కోర్ట్‌ కింగ్‌ రఫెల్‌ నడాల్‌ ఫ్రెంచ్‌ ఓపెన్‌లో శుభారంభం చేశాడు. 14వ టైటిల్‌పై గురిపెట్టిన రఫా.. వరుస సెట్లలో నెగ్గి రెండో రౌండ్‌కు చేరుకొన్నాడు. మంగళవారం జరిగిన మ్యాచ్‌లో నడాల్‌ 6-3, 6-2, 7-6(3)తో అలెక్సీ పాపిరిన్‌ (ఆస్ట్రేలియా)పై కష్టపడి నెగ్గాడు. 14వ సీడ్‌ మోన్‌ఫిల్స్‌ (ఫ్రాన్స్‌) 1-6, 7-6(6), 6-4, 6-4తో అల్బర్ట్‌ రామోస్‌ వినోలాస్‌ (స్పెయిన్‌)పై, 21వ సీడ్‌ అలెక్స్‌ డి మినార్‌ (అమెరికా) 6-2, 6-4, 7-6(4)తో ట్రావెగ్లియాపై గెలిచాడు. రష్యా ఆటగాడు అస్లన్‌ కరాట్‌సెవ్‌ 6-3, 6-4, 6-4తో జాన్సన్‌ బ్రూక్‌బైను, 10వ సీడ్‌ డిగో ష్వార్జ్‌మన్‌ (అర్జెంటీనా) 6-2, 6-2, 6-3తో లు యన్‌ సన్‌ను ఓడించారు. కాగా, 7వ సీడ్‌ ఆండ్రే రుబలేవ్‌ 3-6, 6-7(6), 6-4, 6-3, 4-6తో జాన్‌ జెన్నార్డ్‌ (జర్మనీ) చేతిలో ఓడాడు.
సెరెనా ముందుకు: మహిళల్లో 24వ గ్రాండ్‌స్లామ్‌ వేటలో ఉన్న ఏడో సీడ్‌ సెరెనా విలియమ్స్‌ 7-6(6), 6-2తో ఇరినా కమేలియా బెగు (రొమేనియా)పై వరుస సెట్లలో నెగ్గింది. 2019 చాంపియన్‌ ఆష్లే బార్టీ (ఆస్ట్రేలియా) 6-4, 3-6, 6-2తో బెర్నార్డ్‌ పెరా (అమెరికా)ను ఓడించింది. ఐదో సీడ్‌ స్విటోలినా 6-2, 7-5తో ఓషన్‌ బేబల్‌ (ఫ్రాన్స్‌)పై, 13వ సీడ్‌ జెన్నిఫర్‌ బ్రాడీ (అమెరికా) 6-3, 6-3తో అనస్టాసిజా సెవస్టోవా (లాత్వియా)పై, గ్రీస్‌ భామ మరియా సక్కారి 6-4, 6-1తో జవాస్టకాపైనెగ్గారు.
రెండో రౌండ్‌కు బోపన్న జోడీ: పురుషుల డబుల్స్‌లో భారత ఆటగాడు రోహన్‌ బోపన్న జోడీ రెండో రౌండ్‌కు చేరుకొంది. తొలి రౌండ్‌లో బోపన్న-ఫ్రాంకో కుగోర్‌ (క్రొయేషియా) జంట 6-4, 6-2తో నొకలొజ్‌ బసిలా్‌షవిలి-ఆండ్రే బెంజిమన్‌పై గెలిచింది.
Updated Date - 2021-06-02T08:42:53+05:30 IST