భారీ స్కోరు చేయకుండా ఆఫ్ఘనిస్థాన్‌ను కట్టడి చేసిన కివీస్
ABN, First Publish Date - 2021-11-07T22:48:05+05:30
న్యూజిలాండ్‌తో జరుగుతున్న కీలక మ్యాచ్‌లో ఆఫ్ఘనిస్థాన్ 20 ఓవర్లలో 8 వికెట్ల నష్టానికి
అబుదాబి: న్యూజిలాండ్‌తో జరుగుతున్న కీలక మ్యాచ్‌లో ఆఫ్ఘనిస్థాన్ 20 ఓవర్లలో 8 వికెట్ల నష్టానికి 124 పరుగులు మాత్రమే చేసి కివీస్ ఎదుట స్వల్ప లక్ష్యాన్ని ఉంచింది. టాస్ గెలిచి బ్యాటింగ్ ఎంచుకున్న నబీ సేనకు ఏ దశలోనూ కలిసిరాలేదు. కివీస్ బౌలర్ల దెబ్బకు ఆఫ్ఘాన్ వికెట్లు టపటపా రాలిపోయాయి.
అయితే, నజీబుల్లా జద్రాన్ మాత్రం బౌలర్లను ఎదురొడ్డి ఒంటరి పోరాటం చేశాడు. బంతులను స్టాండ్స్‌లోకి తరలిస్తూ స్కోరు పెంచే ప్రయత్నం చేశాడు. మొత్తంగా 48 బంతులు ఎదుర్కొన్న జద్రాన్ 6 ఫోర్లు, మూడు సిక్సర్లతో 73 పరుగులు చేశాడు. గులాబ్దిన్ నైబ్ 15, కెప్టెన్ మహమ్మద్ నబీ 14 పరుగులు చేశారు. కివీస్ బౌలర్లలో ట్రెంట్ బౌల్ట్ 3, టిమ్ సౌథీ 2, మిల్నే, నీషమ్, సోధి చెరో వికెట్ తీసుకున్నారు.
Updated Date - 2021-11-07T22:48:05+05:30 IST