India-New Zealand Test: కష్టాల్లో టీమిండియా..పట్టుబిగించిన కివీస్
ABN, First Publish Date - 2021-11-28T16:45:11+05:30
న్యూజిలాండ్-టీమిండియా మధ్య జరుగుతున్న తొలి టెస్టు నాలుగో రోజు ఆట ప్రారంభమైంది. ఓవర్ నైట్ స్కోర్ 14/1తో రెండో ఇన్నింగ్స్ ను ప్రారంభించిన భారత్ జట్టు కష్టాల్లో పడింది. 68 పరుగులకే 5 కీలక వికెట్లను
కాన్పూర్: న్యూజిలాండ్-టీమిండియా మధ్య జరుగుతున్న తొలి టెస్టు నాలుగో రోజు ఆట ప్రారంభమైంది. ఓవర్ నైట్ స్కోర్ 14/1తో రెండో ఇన్నింగ్స్ ను ప్రారంభించిన భారత్ జట్టు కష్టాల్లో పడింది. 68 పరుగులకే 5 కీలక వికెట్లను కోల్పోయింది. దీంతో తొలి టెస్టు సిరీస్పై కివీస్ జట్టు నాల్గవ రోజు పట్టుబిగించింది. న్యూజిలాండ్ బౌల్లర్లు కట్టుదిట్టంగా బౌలింగ్ చేయడంతో టీమిండియా టాప్ ఆర్డర్ కుప్పకూలింది. నయా వాల్ పుజారా 32 బంతుల్లో 3 ఫోర్లతో 22 పరుగులు మాత్రమే చేసి మరోసారి నిరాశపరిచాడు. తర్వాత క్రీజులోకి వచ్చిన కెప్టెన్ రహానే కూడా 4 పరుగులు మాత్రమే చేసి అజాజ్ పటేల్ బౌలింగ్ ఎల్బీడబ్ల్యూగా అవుటయి నిరాశపరిచాడు.
క్రీజులో నిలదొక్కుకున్నాడని అనుకున్న మయాంక్ అగర్వాల్ కూడా 17 రన్స్ చేసి సౌథీ బౌలింగ్లో లాథమ్కి క్యాచ్ ఇచ్చి అవుటయ్యాడు. తర్వాత క్రీజులోకి వచ్చిన రవీంద్ర జడేజా కూడా ఖాతా తెరవకుండానే వెనుతిరిగాడు. దీంతో భారత్ పీకల్లోతూ కష్టాల్లోపడింది. శ్రేయాస్ అయ్యర్ 17, రవిచంద్రన్ అశ్విన్ 12 పరుగులతో క్రీజులో కొనసాగుతున్నారు. ప్రస్తుతం టీమిండియా స్కోర్ 5 వికెట్ల నష్టానికి 73 పరుగులు చేసింది. టీమిండియా ఆధిక్యం 122 పరుగులు ఉంది.
Updated Date - 2021-11-28T16:45:11+05:30 IST