Olympics: పతకం దిశగా భారత గోల్ఫర్.. చరిత్రకు అడుగు దూరంలో..
ABN, First Publish Date - 2021-08-06T19:11:07+05:30
ఒలింపిక్స్లో భారత గోల్ఫ్ క్రీడాకారిణి అదితి అశోక్ ఎవరూ ఊహించని విధంగా పతకం సాధించే దిశగా దూసుకెళ్తోంది.
టోక్యో: ఒలింపిక్స్లో భారత గోల్ఫ్ క్రీడాకారిణి అదితి అశోక్ ఎవరూ ఊహించని విధంగా పతకం సాధించే దిశగా దూసుకెళ్తోంది. తాజాగా ఆమె ఫైనల్‌కు చేరింది. మూడు రౌండ్లు ముగిసేసరి అదితి రెండో స్థానంలో నిలిచింది. అసలు ఈ విభాగంలో భారత్ రాణించడం కూడా ఇదే తొలిసారి. శుక్రవారం మహిళల వ్యక్తిగత స్ట్రోక్ ప్లే రౌండ్ 3లో రెండో స్థానంలో నిలిచిన అదితికి ఈ ఈవెంట్లో రజతం సాధించే అవకాశముంది. 60 మంది పోటీపడుతున్న ఈ క్రీడలో మూడో రౌండ్ ముగిసేసరికి అదితి 201 పాయింట్లతో రెండో స్థానంలో ఉంది.
అమెరికాకు చెందిన నెల్లి కొర్డా 198 పాయింట్లతో మొదటి స్థానంలో ఉంటే.. హన్నా గ్రీన్(ఆస్ట్రేలియా), లైడియా(న్యూజిలాండ్) 203 పాయింట్లతో ఉమ్మడిగా మూడో స్థానంలో ఉన్నారు. ఈ గోల్ఫ్ ఈవెంట్లో ఎవరైతే తక్కువ పాయింట్లు సాధిస్తారో వారే మొదటి స్థానంలో ఉంటారు. కాగా, శుక్రవారం జరగాల్సిన రౌండ్ 4 వాతావరణం అనుకూలించకపోవడంతో శనివారానికి వాయిదా పడింది.
ఒకవేళ శనివారం కూడా పోటీలు జరగకపోతే ప్రస్తుతం రెండో స్థానంలో ఉన్న అదితికి రజతం ఖాయం అవుతుంది. ఒకవేళ పోటీలు జరిగిన అదితికి కాంస్యం వచ్చే అవకాశాలు కూడా ఉన్నాయి. ఇదే జరిగితే ఒలింపిక్స్లో పతకం సాధించిన తొలి భారత గోల్ఫర్గా అదితి అశోక్ చరిత్ర సృష్టిస్తుంది. కనుక అదితి చరిత్ర సృష్టించడానికి అడుగుదూరంలో ఉంది.
Updated Date - 2021-08-06T19:11:07+05:30 IST