ఆస్ట్రేలియా థ్రిల్లింగ్‌ విన్‌
ABN, First Publish Date - 2021-10-19T07:50:11+05:30
న్యూజిలాండ్‌తో హోరాహోరీగా సాగిన ప్రపంచ కప్‌ వామప్‌ మ్యాచ్‌లో ఆస్ట్రేలియా 3 వికెట్ల తేడాతో నెగ్గింది.
అబుధాబి: న్యూజిలాండ్‌తో హోరాహోరీగా సాగిన ప్రపంచ కప్‌ వామప్‌ మ్యాచ్‌లో ఆస్ట్రేలియా 3 వికెట్ల తేడాతో నెగ్గింది. చివరి రెండు బంతుల్లో 8 పరుగులు కావాల్సిన తరుణంలో జోష్‌ ఇంగ్లిస్‌ (8 నాటౌట్‌).. జేమిసన్‌ రెండు బంతుల్ని ఫోర్లుగా కొట్టి ఆసీస్‌ను విజయ తీరాలకు చేర్చాడు. దాంతో 159 పరుగుల లక్ష్యాన్ని ఒక బంతి ఉండగానే ఆసీస్‌ ఛేదించింది. మొదట కివీస్‌ 20 ఓవర్లలో 7 వికెట్లకు 158 పరుగులు చేసింది. ఓపెనర్లు గప్టిల్‌ 30, డారిల్‌ మిచెల్‌ 33.. విలియమ్సన్‌ 37, నీషమ్‌ 31 రన్స్‌ చేశారు. ఛేదనలో వార్నర్‌ (0) డకౌట్‌కాగా.. ఫించ్‌ (24), మిచెల్‌ మార్ష్‌ (24) రెండో వికెట్‌కు 39 రన్స్‌ జోడించారు. ఆ తర్వాత స్మిత్‌ (35), స్టొయినిస్‌ (28) ఇన్నింగ్స్‌ను నడిపించారు. అగర్‌ (23), స్టార్క్‌ (13 నాటౌట్‌) ధాటిగా ఆడారు.
న్యూజిలాండ్‌:
20 ఓవర్లలో 158/7 (విలియమ్సన్‌ 37, రిచర్డ్‌సన్‌ 3/24, జంపా 2/17);
ఆస్ట్రేలియా:
20 ఓవర్లలో 159/7 (స్మిత్‌ 35, స్టొయినిస్‌ 28, శాంట్నర్‌ 3/22).
Updated Date - 2021-10-19T07:50:11+05:30 IST