చెప్పుల దండతో ఊరంతా తిప్పి.. మూత్రంతో స్నానం చేయించారు.. ఇంతకీ అతడి తప్పేంటంటే..
ABN, First Publish Date - 2021-06-24T00:27:28+05:30
ఈవ్ టీజింగ్‌కు పాల్పడుతూ అమ్మాయిలను వేధిస్తున్న ఓ యువకుడికి రాజస్తాన్‌లోని ఓ గ్రామ ప్రజలు గట్టిగా బుద్ధి చెప్పారు.
ఈవ్ టీజింగ్‌కు పాల్పడుతూ అమ్మాయిలను వేధిస్తున్న ఓ యువకుడికి రాజస్తాన్‌లోని ఓ గ్రామ ప్రజలు గట్టిగా బుద్ధి చెప్పారు. చెప్పుల దండలు వేసి, మూత్రంతో స్నానం చేయించి రాత్రి మొత్తం ఊరంతా తిప్పారు. ఆ వీడియో ప్రస్తుతం సోషల్ మీడియాలో వైరల్‌గా మారింది.
సదరు యువకుడు ఎప్పట్నుంచో ఊరిలో జులాయిగా తిరుగుతూ అమ్మాయిలను వేధిస్తున్నాడని, ఈ నెల 20వ తేదీ రాత్రి ఒక ఇంట్లోకి ప్రవేశించి ఒంటరిగా ఉన్న అమ్మాయిని అసభ్యంగా తాకేందుకు ప్రయత్నించాడని గ్రామస్తులు చెప్పారు. ఆ అమ్మాయి గట్టిగా అరవడంతో అతని బండారం బయటపడిందని తెలిపారు. అతనికి బుద్ధి చెప్పేందుకే అందరూ కలిసి ఆ నిర్ణయం తీసుకున్నట్టు వెల్లడించారు. కాగా, స్థానిక పోలీసులు మాత్రం ఆ వీడియోపై స్పందించలేదు.
Updated Date - 2021-06-24T00:27:28+05:30 IST