కారు కొనకుండానే రూ. 6 లక్షల ఖరీదైన నంబరు ప్లేటు కొన్నాడు!

అన్నపూర్ణ మ్యారేజెస్... వరల్డ్ వైడ్‌గా తెలుగువారు ఎక్కడున్నా అన్ని కులముల వారికీ పెళ్లి సంబంధాలు కుదర్చడంలో టాప్ పొజిషన్. ఉన్నతమైన కుటుంబాల ఎంపిక. సం|| 9397 9797 50

న్యూఢిల్లీ: చాలామందికి తమ వాహనాలకు వీఐపీ నంబర్ ప్లేటు పెట్టుకోవాలని కోరికగా ఉంటుంది. ఇందుకోసం కొంతమంది లక్షల రూపాయలు ఖర్చు చేసేందుకు సైతం వెనుకాడరు. అయితే యూపీ రాజధాని లక్నోకు చెందిన ఒక వ్యక్తి ఈ వీఐపీ నంబరు దక్కించుకునేందుకు ఆరు లక్షల రూపాయలు వెచ్చించాడు. నిజానికి ఇంత మొత్తంతో కారు కొనుగోలు చేయవచ్చు. 

లక్నోలో వీఐపీ నంబరు ఎంఎ 0001 కోసం వేలం నిర్వహించారు. ఇది ఒక  లక్ష రూపాయలతో మొదలై రూ. 6 లక్షల వరకూ చేరుకుంది. చివరగా ప్రవీణ్ అనే వ్యక్తి రూ. 6 లక్షలు వెచ్చించి ఈ వీఐపీ నంబరు సొంతం చేసుకున్నాడు. కాగా ఇంతవరకూ ఏ వీఐపీ నంబరు కూడా ఇంత మొత్తానికి అమ్ముడుపోలేదు. గతంలో వీఐపీ నంబరు రూ. 4 లక్షల  10 వేల రూపాయల అత్యధిక ధరకు అమ్ముడుపోయింది. అయితే ఇప్పుడు పాత రికార్డులన్నీ బద్దలయ్యాయి. మార్చి 27న ప్రారంభమైన ఈ వీఐపీ నంబరు వేలం ఏప్రిల్ 2తో ముగిసింది. ఇక్కడ ఆశ్చర్యకరమైన విషయమొకటుంది. రూ. 6 లక్షల ఖరీదైన నంబరు సొంతం చేసుకున్న ప్రవీణ్ ఇంతవరకూ కారును కొనుగోలు చేయలేదు. అయినా ఖరీదైన వీఐపీ నంబరు కొనుగోలు చేశాడు. అయితే రవాణాశాఖ నిబంధనల ప్రకారం 30 రోజులలోపు కారు కొనుగోలు చేసి ఈ నంబరు దానికి జతచేయాల్సివుంటుంది. ఇలా చేయని పక్షంలో ప్రవీణ్ ఈ నంబరును తిరిగి ఆర్టీఓకు అప్పగించాల్సివుంటుంది. కాగా వేలం చివరి రోజున లక్నోలో ఆర్టీఓ తరపున మొత్తం ఆరు వీఐపీ నంబర్లను విక్రయించారు. దానిలోని 9000 నంబరును ఒక వ్యక్తి 50 వేల 500 రూపాయలకు కొనుగోలు చేశాడు. 

సంబంధం కోసం వెతుకుతున్నారా? తెలుగు మాట్రిమోని లో - రిజిస్ట్రేషన్ ఉచితం!