కోవిడ్ టీకాలకు పేటెంట్ల మినహాయింపు.. అమెరికా మద్దతు!
ABN, First Publish Date - 2021-05-06T17:51:44+05:30
కోవిడ్ టీకాలకు పేటెంట్ల మినహాయింపుపై భారత్ చేస్తున్న పోరాటానికి అగ్రరాజ్యం అమెరికా నుంచి మద్దతు లభించింది
కోవిడ్ టీకాలకు పేటెంట్ల మినహాయింపుపై భారత్ చేస్తున్న పోరాటానికి అగ్రరాజ్యం అమెరికా నుంచి మద్దతు లభించింది. కోవిడ్ వ్యాప్తి అనేది అత్యంత అసాధారణ సందర్భమని, ఇలాంటి సమయంలో అసాధారణ నిర్ణయాలు తీసుకోవాలని అమెరికా ట్రేడ్ రిప్రజెంటేటివ్ కేథరిన్ టై అభిప్రాయపడ్డారు. అలాగే కోవిడ్ టీకాల తయారీకి అవసరమైన ముడి పదార్థాల ఉత్పత్తిని పెంచుతామని కూడా చెప్పారు.
`పేటెంట్ హక్కులు అనేవి అత్యంత కీలకమైనవి, అవసరమైనవి. కానీ, కోవిడ్ టీకాలకు సంబంధించి పేటెంట్లను తొలగించాలనే డిమాండ్‌కు అమెరికా మద్దతు పలుకుతోంది. ఇది అత్యంత అసాధారణ సందర్భం. ఇలాంటి సమయంలో అసాధారణ నిర్ణయాలు తీసుకోవాల`ని కేథరిన్ అన్నారు. అమెరికా నిర్ణయాన్ని ప్రపంచ ఆరోగ్య సంస్థ డీజీ టెడ్రోస్ అథానోమ్ స్వాగతించారు. కోవిడ్‌పై పోరులో అమెరికా నిర్ణయం ఓ మైలురాయిగా నిలుస్తుందని అన్నారు.
Updated Date - 2021-05-06T17:51:44+05:30 IST