Shocking: నైట్‌క్లబ్‌లో యువతి మద్యం తాగి, బిగుసుకు పోయింది...
ABN, First Publish Date - 2021-08-05T14:27:33+05:30
నైట్ క్లబ్‌లో గుర్తుతెలియని మద్యం తాగిన యువతి తీవ్ర అనారోగ్యానికి గురైన ఘటన...
లండన్ (యూకే): నైట్ క్లబ్‌లో గుర్తుతెలియని మద్యం తాగిన యువతి తీవ్ర అనారోగ్యానికి గురైన ఘటన యూకే దేశంలోని లండన్‌లో జరిగింది. విహారయాత్రకు వచ్చి నైట్ క్లబ్‌లో గుర్తుతెలియని మద్యం తాగిన 18 ఏళ్ల యువతి కండరాలు బిగుసుకుపోయిన వింత ఘటన వీడియో సోషల్ మీడియాలో వైరల్‌గా మారింది.18 ఏళ్ల వయసున్న మిల్లీ ట్యాప్లిన్ అనే యువతి నైట్ క్లబ్ లో మద్యం తాగింది. అంతే మూర్చ వచ్చినట్లు పడిపోయి మిల్లీ తీవ్ర అనారోగ్యానికి గురైంది. దీంతో ఆమెను హుటాహుటిన ఆసుపత్రికి తరలించారు. స్పందించిన వైద్యులు మిల్లీకి రెండురకాల మందులు ఇచ్చారు. దీంతో ఆమెకు పక్షవాతానికి గురైంది. మిల్లీ ముఖ కండరాలు బిగుసుకుపోయి, చేతులు కదపలేక పోవడంతో ఆసుపత్రి బెడ్ మీద పడుకుంది.
మిల్లీ ట్యాప్లిన్ వేళ్లు ముఖ కవళికలు కదలడం లేదు. మిల్లీ నడవలేని పరిస్థితిలో కూలబడింది. ఈ ఘటన గురించి మిల్లీ ట్యాప్లిన్ తల్లి కైర్ ఫేస్‌బుక్‌లో ఫొటోలతో షేర్ చేసింది. ‘‘దయచేసి మీరు బయటకు వెళ్లినపుడు జాగ్రత్తగా ఉండండి, అపరిచితులు ఇచ్చిన మద్యం తాగొద్దు’’ అని కైర్ సలహా ఇచ్చింది. నైట్‌క్లబ్‌లు,పార్టీల్లో మహిళలు అపరిచితుల నుండి పానీయాలను ఎప్పుడూ స్వీకరించవద్దు అని కైర్ వివరించింది.
Updated Date - 2021-08-05T14:27:33+05:30 IST