1. • Home » Prathyekam » she introduced lover as relative to husband family pnr spl

జాబ్ కోసం సిటీకెళ్లిన భర్త.. మా బంధువు అంటూ అత్తమామలకు చెప్పి ప్రియుడిని ఇంట్లో పెట్టింది.. చివరకు..

నాలుగు నెలల క్రితమే ఆమెకు పెళ్లయింది. భర్తతో చక్కగా సంసారం చేసుకుంటోంది. ఈ క్రమంలో పని కోసం ఆ భర్త ఢిల్లీ వెళ్లాడు.

ఇంటర్నెట్ డెస్క్: నాలుగు నెలల క్రితమే ఆమెకు పెళ్లయింది. భర్తతో చక్కగా సంసారం చేసుకుంటోంది. ఈ క్రమంలో పని కోసం ఆ భర్త ఢిల్లీ వెళ్లాడు. అలా భర్త ఊరు విడిచి వెళ్లాడో లేదో ఆమె తన ప్రియుడికి ఫోన్ చేసింది. వెంటనే తన అత్తారింటికి పిలిపించుకుంది. అక్కడకు వచ్చిన ప్రియుడిని తమ బంధువంటూ అత్తమామలకు పరిచయం చేసింది. వాళ్లు నిజమే అనుకున్నారు. ఆ యువకుడికి అతిథి మర్యాదలన్నీ చేశారు. నాలుగు రోజుల పాటు వారి మర్యాదలన్నీ పొందిన ఆ ప్రియుడు.. తర్వాత తిరిగెళ్లిపోయాడు. అయితే మాటల సందర్భంలో చుట్టాల పేర్లు కూడా అతను చెప్పకపోవడంతో.. సదరు కుటుంబానికి అనుమానం వచ్చింది. ఈ ఘటన జార్ఖండ్‌లో వెలుగు చూసింది.

గొడ్డాకు చెందిన ఒక యువతికి కుందన్ అనే యువకుడితో నాలుగు నెలల క్రితం పెళ్లయింది. ఇటీవలే కుందన్.. పని కోసం ఢిల్లీ వెళ్లాడు. అప్పుడే ఆ యువతి తన ప్రియుడిని ఇంటికి పిలిపించుకుంది. అతను తన బాబాయ్ అని చెప్పింది. అయితే మాటల మధ్యలో చుట్టాల పేర్లు, వివరాలు చెప్పడంలో ఆ యువకుడు తడబడ్డాడు. దీంతో కుందన్ తండ్రికి అనుమానం వచ్చింది. నాలుగు రోజుల తర్వాత ఆ యువకుడు వెళ్లిపోయాడు. కానీ కుందన్ తండ్రి అనుమానం తీరలేదు. ఆ యువకుడు మళ్లీ వస్తాడని ఆయనకు అనిపించింది. అనుకున్నట్లే శనివారం నాడు మళ్లీ ప్రియురాలి ఇంటికొచ్చాడా యువకుడు. అంతే అతన్ని గ్రామీణులంతా కలిసి పట్టుకొని కరెంటు స్తంభానికి కట్టేశారు. పోలీసులకు సమాచారమిచ్చి, అతన్ని అరెస్టు చేయించారు. అయితే తాను ఆ ఇంట్లో మర్చిపోయిన ఒక మందు కోసం వచ్చానని, తప్పుగా అర్థం చేసుకొని బంధించారని ఆ ప్రియుడు అంటున్నాడు. దీనిపై పోలీసులు దర్యాప్తు ప్రారంభించారు.