నడిరోడ్డుపై గుడ్లు దొంగతనం చేస్తూ చిక్కిన హెడ్ కానిస్టేబుల్.. వీడియో ఇదే!
ABN, First Publish Date - 2021-05-16T00:04:53+05:30
ఓ హెడ్ కానిస్టేబుల్ నడిరోడ్డుపై కోడిగుడ్లు దొంగతనం చేస్తూ అడ్డంగా దొరికిపోయాడు. ఈ వీడియో సోషల్ మీడియాకెక్కి వైరల్ కావడంతో
చండీగఢ్: పంజాబ్‌లో ఓ హెడ్ కానిస్టేబుల్ నడిరోడ్డుపై కోడిగుడ్లు దొంగతనం చేస్తూ అడ్డంగా దొరికిపోయాడు. ఈ వీడియో సోషల్ మీడియాకెక్కి వైరల్ కావడంతో స్పందించిన ఉన్నతాధికారులు అతడిని సస్పెండ్ చేసి డిపార్ట్‌మెంటల్ ఎంక్వైరీ ప్రారంభించారు. రాజధాని చండీగఢ్‌కు 40 కిలోమీటర్ల దూరంలోని ఫతేగఢ్ సాహిబ్ టౌన్‌లో జరిగిందీ ఘటన.
ఆ కానిస్టేబుల్ పేరు ప్రీత్‌పాల్ సింగ్. కోడిగుడ్లను సరఫరా చేసే రిక్షా రోడ్డు పక్కన ఆగి ఉండగా, అక్కడికెళ్లిన కానిస్టేబుల్ నాలుగు గుడ్లను కొట్టేసి ప్యాంటు జేబులో వేసుకున్నాడు. ఆ రిక్షా యజమాని రావడంతో ఎదురుగా వస్తున్న ఓ రిక్షాను ఆపిన కానిస్టేబుల్ అదెక్కి వెళ్లిపోయాడు. ఈ తతంగం మొత్తాన్ని ఎవరో వీడియో తీసి సోషల్ మీడియాలో పోస్టు చేయడంతో వైరల్ అయింది.
ఈ వీడియో అటూ ఇటూ తిరిగి పోలీసు ఉన్నతాధికారుల దృష్టికి చేరింది. కానిస్టేబుల్ గుడ్ల చోరీని తీవ్రంగా పరిగణించిన ఉన్నతాధికారులు అతడిని సస్పెండ్ చేశారు. ఈ ఘటనపై డిపార్ట్‌మెంటల్ ఎంక్వైరీకి ఆదేశించారు. ఈ మేరకు పంజాబ్ పోలీసులు ట్వీట్ చేశారు.
Updated Date - 2021-05-16T00:04:53+05:30 IST