సౌరకుటుంబంలో అతిపెద్ద ఉపగ్రహం.. ఇలాంటి ఫోటో చూశారా..?
ABN, First Publish Date - 2021-08-09T09:32:31+05:30
సౌరకుటుంబంలో అతిపెద్ద ఉపగ్రహమైన గనిమేడ్‌కు సంబంధించిన ఓ అరుదైన ఫోటోను అమెరికా అంతరిక్ష పరిశోధనా సంస్థ నాసా..
వాషింగ్టన్: సౌరకుటుంబంలో అతిపెద్ద ఉపగ్రహమైన గనిమేడ్‌కు సంబంధించిన ఓ అరుదైన ఫోటోను అమెరికా అంతరిక్ష పరిశోధనా సంస్థ నాసా తాజాగా విడుదల చేసింది. సౌరకుటుంబంలోనే అతిపెద్ద గ్రహమైన బృహస్పతి ఉపగ్రహమైన గనిమేడ్.. ఈ సౌరమండలంలోనే అతిపెద్ద ఉపగ్రహం. ఈ ఉపగ్రహానికి సంబంధించి మూడు కృత్రిమ ఉపగ్రహాల ద్వారా ఇన్‌ఫ్రారెడ్ ఫోటోలు తీసింది నాసా. జూలై 20న గనిమేడ్‌కు అతి చేరువగా వెళ్ళిన జూనో స్పేస్‌క్రాఫ్ట్ తీసిన ఫోటోలు కూడా ఉన్నాయి. ఆ ఫోటోలన్నింటినీ కలిపి ఓ ఫోటోగా తయారు చేసి విడుదల చేసింది. ఈ ఫోటోలు ఇప్పుడు వైరల్ అవుతున్నాయి.
కాగా.. జూనో స్పేస్ క్రాఫ్ట్‌ను నాసా.. 2011, ఆగస్టు 5న లాంచ్ చేసింది. 5ఏళ్ల తరువాత 2016, జూలై 4న బృహస్పతి వద్దకు చేరింది. ఇక జూలై 20న ఆ గ్రహానికి అతి చేరువగా.. 50,109 కిలోమీటర్ల చేరువగా వెళ్లింది.
Updated Date - 2021-08-09T09:32:31+05:30 IST