అమ్మకానికి బిన్‌లాడెన్ సోదరుడి భవనం.. 20 ఏళ్లుగా ఖాళీ.. రెండెకరాల విస్తీర్ణంలో ఉన్న దాని ఖరీదెంతంటే..!
ABN, First Publish Date - 2021-08-02T21:37:30+05:30
పై ఫొటోలో కనిపిస్తున్న ఈ విలాసవంతమైన భవనం ఒసామా బిన్ లాడెన్ సోదరుడు ఇబ్రహిమ్ లాడెన్‌ది.
పై ఫొటోలో కనిపిస్తున్న ఈ విలాసవంతమైన భవనం ఒసామా బిన్ లాడెన్ సోదరుడు ఇబ్రహిమ్ లాడెన్‌ది. అమెరికాలోని లాస్ ఏంజెలెస్‌లో అత్యంత ఖరీదైన ప్రాంతంలో రెండెకరాల విస్తీర్ణంలో ఉంది. హోటల్ బెల్-ఎయిర్‌కు సమీపంలో ఉండే ఈ విల్లా 20 సంవత్సరాలుగా ఖాళీగానే ఉంది. 2001లో అమెరికాలోని వరల్డ్ ట్రేడ్ సెంటర్‌పై బిన్ లాడెన్ దాడి తర్వాత ఈ విల్లా ఖాళీ అయిపోయింది. అప్పట్నుంచి లాడెన్ వంశీయులెవరూ అక్కడ అడుగుపెట్టలేదు.
ఇన్నేళ్ల తర్వాత ఆ విల్లాను అమ్మెయ్యాలని ఇబ్రహిమ్ నిర్ణయించుకున్నాడు. రెండెకరాల విస్తీర్ణంలో ఏడు బెడ్రూమ్‌లు, ఐదు బాత్రూమ్‌లతో ఉన్న ఆ బంగళాను 28 మిలియన్ డాలర్ల (దాదాపు రెండు వందల కోట్ల రూపాయలు)కు బేరం పెట్టాడు. 1931లో నిర్మితమైన ఆ బంగళాలను ఇబ్రహిమ్ 1983లో రెండు మిలియన్ డాలర్లకు కొన్నాడు. మాజీ భార్య క్రిస్టిన్ సినేతో కలిసి అక్కడే నివసించాడు. ఆ సమయంలో బిన్ లాడెన్, అతని భార్య కూడా అక్కడే వారికి సహాయకులుగా ఉండేవారు. 2001 దాడి తర్వాత ఆ బంగళా ఖాళీ అయిపోయింది.
Updated Date - 2021-08-02T21:37:30+05:30 IST