బర్త్‌డే బ్యానర్లతో చిర్రెత్తుకొచ్చిన స్థానికులు వెరైటీగా ఏంచేశారంటే..!
ABN, First Publish Date - 2021-01-21T23:37:05+05:30
నిత్యం తమ వీధుల్లోని భవనాలు, చెట్లపై రకరకాల బ్యానర్లు, ఫ్లెక్సీలు ముంచెత్తడంపై చిర్రెత్తుకొచ్చిన ఓ ప్రాంత ప్రజలు వెరైటీగా నిరసన తెలిపారు...
ఔరంగాబాద్: నిత్యం తమ వీధుల్లోని భవనాలు, చెట్లపై రకరకాల బ్యానర్లు, ఫ్లెక్సీలు ముంచెత్తడంపై చిర్రెత్తుకొచ్చిన ఓ ప్రాంత ప్రజలు వెరైటీగా నిరసన తెలిపారు. ఈ వ్యవహారానికి చెక్ పెట్టే విధంగా కుక్కలకు పుట్టినరోజు శుభాకాంక్షలు తెలుపుతూ బ్యానర్లు కట్టారు. మహారాష్ట్రలోని బీద్ జిల్లా అంబేజోగాయ్ ప్రాంతంలో ఈ ఘటన చోటుచేసుకుంది. పుట్టిన రోజులు, పండుగలు, పబ్బాలకు ఇక్కడ పెద్ద ఎత్తున బ్యానర్లు వెలుస్తుండడంతో.. దీనికి వ్యతిరేకంగా స్థానికులు ఈ బ్యానర్లను ఏర్పాటు చేశారని అంబేజొగయ్ పోలీస్టేషన్ అధికారులు వెల్లడించారు. ‘‘నిన్న మధ్యాహ్నం కట్టిన ఈ బ్యానర్లను స్థానికులు కొద్దిసేపటికే తొలగించారు. వీటిపై ఎలాంటి వివాదం జరగలేదు...’’ అని ఓ పోలీస్ అధికారి వెల్లడించారు.
Updated Date - 2021-01-21T23:37:05+05:30 IST