ఊళ్లోంచి పారిపోయిన ప్రేమ జంటను వెతికి తెచ్చి అరాచకం.. బాలికకు గుండు గీసి.. నిప్పుల కుండను నెత్తిన పెట్టి..
ABN, First Publish Date - 2021-11-15T16:39:49+05:30
గుజరాత్‌లోని పాటణ్ జిల్లాలోని హారీజ్ గ్రామానికి చెందిన గ్రామస్తులంతా..
గుజరాత్‌లోని పాటణ్ జిల్లాలోని హారీజ్ గ్రామానికి చెందిన గ్రామస్తులంతా కలసి ఒక బాలికపై తాలిబన్ తరహా శిక్షలను విధించారు. ముందుగా ఆ బాలిక ముఖానికి నల్లని రంగు పూసి, గుండు కొట్టించారు. ఆ తరువాత ఆమె తలపై నిప్పుల కుండను ఉంచి గ్రామమంతా తిప్పించారు. ఈ 14 ఏళ్ల బాలిక ప్రియునితో పరారయ్యేందుకు ప్రయత్నిస్తున్నదని గ్రామస్తులు ఆరోపిస్తున్నారు. ఈ ఉదంతం నవంబరు 9న జరిగింది. సోషల్ మీడియాలో ఈ ఉదంతానికి సంబంధించిన వీడియో వైరల్ఋగా మారడంతో రంగంలోని దిగిన పోలీసులు ఈ ఘటనలో హస్తమున్నట్లు భావిస్తున్న 35 మందిపై కేసు నమోదు చేశారు.
పోలీసు అధికారి అక్షయ్ రాజ్ ఈ ఉదంతం గురించి మాట్లాడుతూ వాది సమాజానికి చెందిన కొందమంది ఆ బాలిక.. ప్రియునితో వెళ్లిపోయేందుకు ప్రయత్నించిందంటూ ఆమెకు శిక్ష విధించారు. ఆ బాలికకు గుండు చేయించారు. ముఖానికి నల్లరంగుపూసి గ్రామమంతా తిప్పారు. ఈ బాలిక తమ సామాజిక కట్టుబాటుకు వ్యతిరేకంగా నడుచుకున్నదని ఆ సమాజపు పెద్దలు ఆరోపిస్తున్నారు. ఆ బాలిక చేసిన పనికి ప్రక్షాళనగా తాము ఈ విధమైన ప్రక్రియ చేయించామన్నారు. కాగా గ్రామస్తులంతా ఈ పని చేస్తున్నప్పుడు ఆ బాలిక భయంతో కేకలు వేసిన దృశ్యం వీడియోలో స్పష్టంగా కనిపిస్తోంది. ఇదే సమయంలో ఆ బాలిక ప్రియుడిని కూడా గ్రామమంతా తిప్పారు. ఆ తరువాత ఆ బాలిక తల్లిదండ్రులు తమ సామాజిక వర్గానికి చెందిన ఒక యువకునితో ఆమెకు వివాహ నిశ్చితార్థం జరిపించారు. కాగా ఆ బాలిక ప్రియునిపై అత్యాచారం కేసు నమోదు చేసి దర్యాప్తు చేస్తున్నామని పోలీసులు తెలిపారు.
Updated Date - 2021-11-15T16:39:49+05:30 IST