పెళ్లిలో వధువు కునికిపాట్లు.. నెటిజన్ల ఫన్నీ కామెంట్లు!
ABN, First Publish Date - 2021-12-18T21:51:22+05:30
హిందూ సాంప్రదాయంలో చాలా వివాహాలు రాత్రి సమయాల్లోనే జరుగుతాయి.
హిందూ సాంప్రదాయంలో చాలా వివాహాలు రాత్రి సమయాల్లోనే జరుగుతాయి. పెళ్లి తంతు రాత్రి మొదలై ఉదయం వరకు కొనసాగుతుంటుంది. మధ్యమధ్యలో బంధువులు కొంత సేపు నిద్రపోతారు. వధూవరులు మాత్రం ఆ రాత్రంతా నిద్రకు దూరం కావాల్సిందే. దీంతో నిద్ర కళ్లతోనే పెళ్లి పీటల మీద కూర్చుంటారు. ఓ పెళ్లిలో వధువు కునికిపాట్లకు సంబంధించిన వీడియో ఒకటి తాజాగా సోషల్ మీడియాలో వైరల్‌గా మారింది.
పట్టుచీర, నగలు ధరించి చక్కగా ముస్తాబై సోఫాలో కూర్చున్న వధువు కునికిపాట్లు పడుతుండడం ఆ వీడియోలో కనిపిస్తోంది. పక్కనే వరుడు నిల్చుని వేరెవరితోనో మాట్లాడుతున్నాడు. ఈ ఘటనను ఆమె స్నేహితులు వీడియో తీసి సోషల్ మీడియాలో పోస్ట్ చేశారు. `నిద్రపోతున్న వధువు. ఉదయం 6.30 గంటలైనా పెళ్లి జరుగుతూనే ఉంద`ని కామెంట్ చేశారు. ఈ వీడియో వైరల్‌గా మారింది. ఆ వీడియోపై నెటిజన్లు తమదైన శైలిలో కామెంట్లు చేస్తున్నారు. చాలా మంది `క్యూట్` అని కామెంట్ చేశారు. `నా పెళ్లిలో నేనూ అలాగే చేశాన`ని ఓ మహిళ కామెంట్ చేసింది.
Updated Date - 2021-12-18T21:51:22+05:30 IST