పెళ్లిపీట‌ల‌పై దూసుకొచ్చిన వధువు బాయ్‌ఫ్రెండ్.. అందరూ చూస్తుండ‌గా ఆమెను ఏం చేశాడంటే..
ABN, First Publish Date - 2021-12-10T10:12:04+05:30
అచ్చం సినీ ఫక్కీలో ఒక భగ్న ప్రేమికుడు తన ప్రియురాలి పెళ్లి జరుగుతుండగా పెళ్లి పీటల వద్దకు దూసుకొచ్చాడు. వరుడు వధువు మెడలో పూలమాల వేయబోతుండగా.. అదే సమయంలో ఆ ప్రియుడు పెళ్లికూతురిని పట్టుకొని చేయకూడని పని చేశాడు...
అచ్చం సినీ ఫక్కీలో ఒక భగ్న ప్రేమికుడు తన ప్రియురాలి పెళ్లి జరుగుతుండగా పెళ్లి పీటల వద్దకు దూసుకొచ్చాడు. వరుడు వధువు మెడలో పూలమాల వేయబోతుండగా.. అదే సమయంలో ఆ ప్రియుడు పెళ్లికూతురిని పట్టుకొని చేయకూడని పని చేశాడు. ఈ సంఘటనని ఆ వేడుకలో ఉన్నవారెవరో వీడియో రికార్డ్ చేసి సోషల్ మీడియాలో పెట్టారు. ప్రస్తుతం ఈ వీడియో తెగ వైరల్ అవుతోంది.
ఈ షాకింగ్ ఘటన ఉత్తర్ ప్రదేశ్‌లో జరిగింది. వైరల్ అవుతున్న ఈ వీడియోలో పెళ్లి జరుగుతున్న సమయంలో.. సరిగ్గా వరుడు పూలమాలను పెళ్లికూతురి మెడలో వేయడానకి వెళుతుండగా.. ఆమె లవర్ వేదికపైకి దూసుకొచ్చాడు. వధువు నుదుటిపై సింధూరం(కుంకుమ) రుద్దాడు. ఆ తరువాత తన జేబులో నుంచి మరికాస్త సింధూరం తీసుకొని మళ్లీ ఆమె తలపై బలవంతంగా రుద్దాడు. ఆపై ఆమెకు ఏదో హెచ్చరిస్తూ మాట్లాడాడు.
ఇదంతా జరుగుతున్న సమయంలో పెళ్లికొడుకు నోరెళ్లబెట్టి చూస్తూ నిలబడ్డాడు. అంతలో ఆ ప్రేమికుడిని అందరూ కలిసి పట్టుకొని కొట్టబోతుండగా.. అతను వారి నుంచి తప్పించుకొని పారిపోయాడు. ఉత్తర భారతదేశంలో వధువు నుదుటిపై(తల పాపటిలో) వరుడు సింధూరం రుద్దితే వారిద్దరూ ఇకపై భార్యాభర్తలని అర్థం.
Updated Date - 2021-12-10T10:12:04+05:30 IST