అమెరికన్ సెనేటర్ ఖాతాను సస్పెండ్ చేసిన యూట్యూబ్!
ABN, First Publish Date - 2021-08-12T22:45:44+05:30
ప్రముఖ సామాజిక మాధ్యమం యూట్యూబ్ ఓ అమెరికన్ సెనేటర్ ఖాతాను సస్పెండ్ చేసింది.
వాషింగ్టన్: ప్రముఖ సామాజిక మాధ్యమం యూట్యూబ్ ఓ అమెరికన్ సెనేటర్ ఖాతాను సస్పెండ్ చేసింది. కోవిడ్-19పై తప్పుడు సమాచారాన్ని ప్రచారం చేసినందుకు గాను కెంటుకీకి చెందిన రిపబ్లికన్ సెనేటర్ రాండ్ పాల్ ఖాతాను వారం రోజుల పాటు సస్పెండ్ చేసినట్లు యూట్యూబ్ వెల్లడించింది. మాస్క్ ధరించడంపై రాండ్ చేసిన వ్యాఖ్యలు జనాలకు తప్పుడు సమాచారం చేరవేసేదిగా ఉన్నందున ఈ నిర్ణయం తీసుకున్నట్లు పేర్కొంది. కాగా, వైరస్ వ్యాప్తిని మాస్క్ అడ్డుకోలేదని రాండ్ ఓ వీడియోలో వ్యాఖ్యానించారు. ఈ నేపథ్యంలోనే యూట్యూబ్ ఆయన ఖాతాను వారం రోజులు సస్పెండ్ చేసింది.
Updated Date - 2021-08-12T22:45:44+05:30 IST